روايه خادمه بموافقه أبي الحلقه 22

كانت تخشى أن تكون تلك الفتاه منبوذه او هناك سر ما خلفها ولكن بعد حديث عدى اطمئنت 
بينما شيماء شعرت بفخر داخلها بعد حديث عدى وتاكدت إنها لم تصبح بمفردها بعد الآن فمن تمتلك اخ كعدى كأنها تمتلك الحياه 
انتهى العشاء وذهب ثائر واسرته وجلس ناجى يتحدث مع عدى بعصبيه 
انا عايز افهم انت ليه موافقتش تقدر تقولى اختك بتحبه وعايزاه ليه تأجل الموضوع 
أنا اختى عزيزه أوى يا بابا واللى عايزاها يتعب عشانها مش معنى انها اتربت بعيد عنى إن ده هيغير الواقع 
يابنى الولد شاريها وواضح ان بيحبها 
بس أمه مش زيه هو وابوه 
عشان تفكر بعد كده الف مره قبل ماتقولها حاجه تضايقها 
اقتربت شيماء من عدى وضمته بقوه وقبلته من وجنته 
ربنا يخليك ليا ومايحرمنيش منك أبدا 
كانت تقف نادين خلفها ترى نظرات والدها الممتلئه بالحسره فهو مهما فعل لم يستطع أن يعوضها انسحب بصمت لغرفته واقتربت بعد ذلك نادين من شيماء 
على فكره بقى انا كده هغير ها 
تحدث عدي ناكشا إياها 
ايه ده يا نادين هو انتى بتحسى ذينا . قصدك ايه 
أبدا انا كنت فاكرك لو تلج 
عجبك كده يا شيماء اه اكيد عاجبك مانتوا عملت حزب عليا بس ماشى انا هوريكم 
وظلت تحرى خلفهم حتى تضربهم وهم يفروا منها ويضايقوها بالحديث
انتهى اليوم وفى اليوم التالى ذهب عدى مبكرا للشركه وجد سلسبيل تقف وامامهة ذلك الفتى الذى عرض ان يوصلها بعد حفل زفاف اخيه 
طيب دلوقتي يا استاذ شريف انا مفهمتش برضو حضرتك عايز ايه .
بصراحه يا انسه سلسبيل انا معجب بيكى من فتره وكنت قلقان اجى اكلمك ترفضى او تكونى مرتبطه مثلا بحد تانى 
صمتت سلسبيل من المفاجآه فهى لم تكن تتوقع ذلك الأمر ظل عدى واقفا منتظرا حديثها 
بصراحه يا أستاذ شريف انا مكنتش متوقعه خالص إن حضرتك تطلب منى طلب زى ده انا مكنتش بفكر أصلا في ارتباط
طيب كويس جدا معنى كده إن مافيش حد فى حياتك ايه رايك ناخد فرصه نقرب من بعض 
أنا للاسف مش بتعرف على حد بدون علم اهلى 
خلاص اجى اطلبك منهم ايه رأيك ونعمل خطوبه وناخد فرصه نعرف بعض 
بصراحه حضرتك فاجئتنى وانا محتاجه فرصه أفكر 
صدم عدى من رد سلسبيل فهو توقع ان ترفض ذلك العريس ولكنها لم ترفض هل من الممكن أن ترتبط به