حكايه غريبه بقلم منار رضا

أنا جاي النهارده احكيلكم حكايه غريبه جدا بس هتستفادو منها 
من ٥ شهور كنت في شغلي كا دكتور جامعي وتليفوني رن وسط المحاضره فا كنسلت وبعد ما خلصت المحاضره رنيت علي الرقم اللي كان بتاع عمو حمدي حارس العقار بتاعي 
ازيك يا عم حمدي خير 
معلش يا بيه انت لازم تيجي دلوقتي
حصل اي بس دنا لسه عندي محاضره هخلصها واجيلك

مينفعش يا بيه لازم تكون موجود دلوقتي
لبست جاكت البدله وطلعت من الجامعه ركبت عربيتي وروحت علي البيت لقيت زحمه تحت البيت فا سبت عربيتي وقربت علي عم حمدي 
حصل اي في البيت واي الزحمه دي
بصلي بعيون حزينه وطبطب علي كتفي 
البقاء لله يا ابني
مين ماټ يا عم حمدي
والدتك شد حيلك يا حبيبي 
خبر غريب عقلي البشري مستوعبش الصدمه طلعت علي السلم مستنتش الاسانسير كل مبطلع كام سلمه الاقي الجيران بيجهزو وطالعين بيتنا وكل ما حد بيشوفني بيقولي البقاء لله كملت لحد ما وصلت قدام باب بيتنا صداع اتملك من دماغي دخلت البيت وانا قلبي بيتعصر من الحزن قربت علي اوضه امي وكل زكرياتي معاها بتتحرك قصادي 
يوسف يبني قوم هو أنا لازم افضل انده عليك كل يوم ساعه عشان تصحي 
ربع ساعه بس يا حاجه
ياواد قوم وبلاش غلبه سبت اي للطلبه بتوعك
قومت من علي السرير بحب بوست رأسها وايديها ودخلت اخد دوش خرجت لقيتها محضرالي الاكل 
طب قوليلي والنبي هتجوز لي وانا بصحي كل يوم الاقي الاكل الحلو دا من ايدك يا ست الكل
تتجوز عشان تفرحني بيك وأشوف عيالك واشيلهم واربيهم زي ما ربيتك 
كنت قربت من بابا اوضتها قربت ليها متغطيه بقماشيه بيضه كبيره كشفت وشها وأيدي يتترعش 
قومي يا امي متسبنيش لوحدي كدا طب اصحي أنا أول مره اصحيكي أنا انتي كل مره بتصحيني طب فوقي بس وانا والله بعد كدا هصحي لوحدي ومش هتعبك قومي والنبي يا امي والله هتجوز وافرحك طب قومي مين هيربي
عيالي يا امي حقك عليا هسمع كلامك يا امي أنا بحبك متسبنيش كدا
دخل عم حمدي وناس جيرانا شالوني من حضنها بصعوبه 
سبني والنبي يا عم حمدي انا امي ماټت
شد حيلك يا ابني متعملش في نفسك كدا
طب خليني معاها اشبع منها
وحد الله يا حبيبي وتعالي نشوف هنعمل اي في الډفن 
لفيت معاه خلصنا تقرير الډفن وجينا عشان اشيلها خلاص بعد ما اتكفنت حطيتها بايدي في التابوت وانا عقلي مش مصدق أنها امي كنت فاكر أنها حد من قرايبي وخلاص شيلتها ودفنتها بايدي رجعت بيتي وانا مهدود وضهري مكسور وعدت الايام وبعد ما كنت دكتور جامعي بقيت شاب ضايع بيمشي في الشوارع بليل دقنه طويل لحد صدره 
متنزل معانا النهارده تشم هواء 
فتحي التلفزيون ونزل كان شغال برنامج لمذيعه بتتكلم مع ضيف عن كتب السحر وقد اي هي خطيره فا