حكايه غريبه بقلم منار رضا

دار بينهم حوار كالاتي 
قولي يا استاذ مصطفي هو كتاب شمس المعارف هو الكتاب الوحيد لتحضير الأرواح
لا طبعا في كتاب اسمه اللؤلؤه ودا كتاب مشهور وموجود كمان في مصر وخطېر في تحضير الارواح بس منصحش حد يقرأه أو يتعامل بيه
قفلت التلفزيون بسرعه ونزلت ركبت عربيتي ودورت في كل مكان وكل مكتبه كل فرشه في الشارع عليه لحد ما لقيت راجل كبير حاطط كتب كتير في الأرض فضلت ادور لحد ما لقيته بيلمع قدام عيني كتاب قديم متهالك ريحته قذره حتي ورقه اصفر وقديم شديته بسرعه واديت للرجال ٢٠٠ جنيه ساعتها قالي دا كتير يا بيه ابتسمتله وجريت ركبت عربيتي ودخلت بيتي قفلت علي نفسي بفرحه اخيرا هشوف امي تاني أنا خلاص نويت احضر روح امي بالكتاب دا
يتبع
قريت عن الكتاب في جوجل وعرفت ازاي استخدمه حضرت شمع ورصيته زي ما مرسوم وبدأت اقرأ في الكتاب النور اترعش بسرعه وبعدين اتقفل كملت قرايه علي نور الشموع وبدء الشمع يتطفي واحده واحده مسكت ولاعتي وشغلت الشمع تاني بس لاقيت خيال اسود ضخم رجعت بضهري لورا بس لقيت نفسي مش
قادر اتحرك من مكاني ولعت الشمع حاولت اقوم خلاص أنا مش عاوز اكمل ظهرلي الخيال الاسودا تاني قصاد عيني بيقرب غمضت عيني پخوف وفتحت عيني بعدها ملقتش حد شيلت الشموع بسرعه وقولت هحاول تاني بكرا 
مكلمتنيش يعني النهارده
مش محتاجك النهارده هقضي اليوم لوحدي
طب ياعم اتبسط
طلعت البيت وانا طالع السلم لقيت خيال كبير في الاسانسير فا جريت اشوف في اي لقيته فاضي ركبت ودوست الدور السادس ووصلت قصاد بيتي النور قاطع تقريبا في البيت رجعت بضهري بصيت علي الاسانسير ازاي النور قاطع وانا طالع بيك نورت كشاف موبايلي ودخلت البيت جبت شمع ورصيته زي امبارح بس وعدت نفسي وعد أنا مش هقوم النهارده غير وانا شايف امي حضرت كل حاجه وقعدت عدت نفس الطلاسم تاني بس المره دي كل الشمع اتطفا وأصوات كتير ظهرت اصوات تشيب ليها الاذان حاولت اكتم ودني عشان مسمعش لكن سمعت الصوت بوضوح 
متكملش والكتاب اتقفل بسرعه واتشد من أيدي والصوت ظهر تاني بس اتكلم پعنف احنا عمار البيت ومش هنسمح ابدا بدخول اي جن كافر وسطينا وامك كانت دائما بتشغل قرآن وبتقراه بصوتها واحنا بنحبها وعشان كدا مش هناذيك لكن لو جربت تعمل كدا تاني هنآذيك تعرف انت كنت هتحضر اي انت كنت هتحضر جن كافر وعشان تحضره لازم تكفر بالله وكان هيتشكلك في هيئه والدتك بس كان هيآذيك بطريقه بشعه فا احنا مش هنسمح بكدا ودي اخر مره هنلحقك فيها ومفيش مېت بيرجع تاني للحياه 
وبس من يومها اتاكدت أن الجن بيتصنف انواع كتير وفي جن مسلم وجن كافر مش كل الجن مؤذي
وعموما بلاش تنبش في حاجه تخصهم الجن ليه خصوصياته ياريت متقتحمش خصوصياته وترجع تبكي علي اللي بيحصلك مفيش مېت بيرجع كلنا ھنموت ونرجع تاني نشوف بعض الضعف وحش الضعف ممكن يخليك تكفر بربنا فا عشان كدا اوعي تفكر تاخد قرار وانت ضعيف
تمت
بقلم منار رضا