روايه حبيبي المدير الفصل السابع الكاتبة شيماء صبحي
كنتي املي الوحيد هعمل ايه دلوقت يارب
الراجل قرب من حمزه و قال لو خلصت يابني هات التيلفون علشان امشي
حمزه بصله بحزن و قال لو كنت حافظ رقم خالي كان زمانه لحقني بس هقول ايه انا دايما كده حظي نحس!
الراجل اخد منه التيلفون وطبطب عليه و قال والله يا بني كان علي عيني اساعدك بس انت شايف الدنيا بق حالها عامل ازاي ودلوقتي كل واحد يدوبك مكفي نفسه!
الراجل اخد منه التيلفون واتحرك من قدامه وحمزه رجع قعد علي الرصيف تاني والمره دي دموعه نزلت وهو بيقول يا رب انقذني من اللي انا فيه دا انا مش حمل البهدله دي والله
الراجل العجوز رجعله تاني بعد دقيقه وهو بيديله التيلفون و بيقول في واحده علي التيلفون عاوزاك يا ابني
الراجل هز راسه وحمزه اخد التيلفون من ايديه بلهفه و قال ايوا مين
احلام بتساؤل انت فين
حمزه قال بفرحه والله كان قلبي حاسس انك طيبه وانا مش ههون عليكي
احلام ضحكت علي كلامه و قالت اخلص بدل ما اقفل في وشك!
بص للراجل و قال والنبي يا عموا اوصفلها احنا فين دلوقت
الراجل هز راسه بالموافقه واخد منه التيلفون واتكلم مع احلام ووصفلها العنوان وبعدما خلص قفلت معاهم المكالمه
حمزه بصله و قال بتساؤل ها قالت لك ايه
حمزه حط ايديه علي قلبه بفرحه وبص للسماء و قال شكرا يا رب شكرا يا رب
الراجل سابه ومشي وحمزه رجع قعد تاني علي الارض وهو حاسس بفرحه كبيره لانه اخيرا لقي حد يساعده!
وفي عربية احلام كانت مشغله اغنيه هاديه وبتدندن معاها عشان متسمعش اصوات الدوشه اللي حواليها وبعد مرور ربع ساعه وصلت اخيرا لموقف الميكروباصات اللي حمزه موجود فيه ركنت عربيتها ونزلت وهيا معاها تيلفونها وتيلفون حمزه قربت من العربيات اللي موجوده وبدات تدور عليه وفي الوقت دا كان حمزه قدر يقف علشان يشوفها وهيا داخله عليه وكانوا الاتنين بيدوروا علي بعض لحدما حمزه خبط في واحده بالغلط ومن سوء حظه انها كانت حامل ووقعت علي الارض
كل اللي في الموقف اتجمعوا علي صړاخها واولهم احلام اللي جريت بسرعه واول مشافت البنت بتصرخ وحمزه واقف يبص عليها ومصډوم مسكته من هدومه وخرجته برا اللمه بسرعه قبل ما حد ينتبه لوجوده وجريت بيه في اتجاه العربيه و قالت استخبي هنا لحدما اروح اشوفها وارجعلك
البنت بصتلها و قالت بعياطبتتكلمي جد اصل انا حسيت بۏجع في بطني
احلام سندتها لحدما وقفتها و قالت لا مټخافيش هو بس علشان انتي اول حمل ليكي فخاېفه
البنت بصتلها پصدمه و قالت اي دا انتي ازاي عرفتي انه اول حمل ليا
احلام بصتلها و قالت علشان ببساطه انتي باين عليكي في الشهر الاول او التاني يعني لسا بطنك مكبرتش وبعدين ماشيه وفارده رجلك ليه وحاطه ايدك علي ضهرك لسا بدري علي الحجات دي يا حبيبتي
البنت ضمت حاجبها و قالت بس الدكتور قال ي اني اي حركه ممكن تنزل الحمل دا فانا بنفذ كلامه
احلام هزت راسها و قالت صح يبق لازم تروحي للدكتور بسرعه وتطمني علي البيبي بعد ازنك بق علشان عندي ولاده حالا
البنت بصتلها پصدمه واحلام جريت في اتجاه عربيتها وفتحت الباب لحمزه و قالت اركب بسرعه
حمزه ركب جمبها وهيا
