روايه فرصه تانيه بقلم ناديه ستارز

ألحق أروح وأجي فاطمة وياسين فاضل عليهم نص ساعة وييجوا 
تذهب نجمة إلى مكتب المحاماة ومن حسن حظها كان لا يوجد سوى فرد ويأتي معاد دخولها.
يأتي دور نجمة وتدلف لتلقي عليه السلام ثم تجلس
المحامي ويدعي محمد نجمة صح
نجمة أه أنا حضرتك عرفت إزاي
محمد خالتي لسة مكلماني وقالت أنك جاية أقدر أساعدك في إيه
نجمة هقولك بصراحة من غير لف ودوران عايزة أنقل ملكية الشقة بتاعت جوزي لي 
محمد في الحاجات اللي زي دي لو مش شرعية خمسين ألف بس علشان أنت من طرف خالتي هخليهم تلاتين ألف
نجمة موافقة نص الفلوس هتكون عندك بكرة والورق جهزهولي والنص التاني هتاخده لما تخلص كل حاجة
محمد الإمضاء هتجيبيها إزاي
نجمة دا بقى مش شغلك
محمد بكرة تعالي الساعة ١١ الصبح
نجمة ماشي 
تذهب نجمة إلى مدرسة أطفالها وتأخذهم وتذهب إلى المنزل يبدلوا ملابسهم وتجهز لهم وجبة الغذاء وبعد أن انتهوا تعد لهم عصير وتساعدهم في دراستهم
في اليوم التالي تنزل نجمة من منزلها وتوقفها عائشة
عائشة بفضول ها قوليلي عايزة محامي ليه هتطلقي أخيرا
نجمة بضحك حبة صغيرين وهتسمعي الخبر دا المحامي بقى لما كل حاجة تخلص هاجي أقولك أنت أول واحدة
عائشة وعد
نجمة وعد
تغادر نجمة وتذهب إلى المحامي تأخذ الورق وتدفع له نصف المال تذهب إلى المنزل وتبدأ بقراءة الورق في الصالة وبعد أن انتهت من قراءته ترفع عيناها تجد آسر أمامها
نجمة بخضة آسر
تابع
فرصة_تانية 
بقلم الكاتبة نادية ستارز
Nadiastars
نجمة بخضة آسر
آسر إيه الورق اللي في أيدك دا
نجمة بتلعثم دا دا ورق يخص مدرسة فاطمة وياسين 
آسر بشك ماشي 
نجمة إيه اللي جابك بدري
آسر بزهق نازل تاني
نجمة بعدم مبالاة براحتك
آسر يستغرب من عدم تساؤلها فهي كانت دائما تسأل باستمرار
وكان لا يعير للموضوع اهتمام 
تأخذ نجمة الورقة وتخبأها في غرفة أحد أطفالها.
وبعد مدة قليلة غادر آسر وغادرت بعد مدة قليلة نجمة حتى تجلب أطفالها من المدرسة وأثناء سيرهم في الطريق يقاطع ياسين الصمت ويقول ماما مش دا بابا ويشاور على أحد الجالسين في مقهى بجانبهم
نجمة تنظر إليه تجده آسر بالفعل 
نجمة لياسين لا مش هو
فاطمة هو يا ماما مش هنروحله
نجمة لا يا حبيبتي 
نجمة بضحك في داخلها جايبها قهوة بلدي ما كنت تقعدها على الرصيف أحسن
فاطمة بتضحك على إيه يا ماما
نجمة افتكرت حاجة ضحكتني
تعود نجمة إلى المنزل وتفعل روتين يومها المعتاد من المنزل لأطفالها لعملها وفي الفترة الأخيرة أصبحت تعطي القليل من الوقت لنفسها
في المساء يعود آسر إلى المنزل 
نجمة أحضرلك العشاء 
آسر أكلت برا 
بعد ساعتين وكالمعتاد يأتي آسر يدخل غرفته ويغلق الباب لا يخرج إلى لشيء ضروري يخصه تدخل نجمة غرفة أطفالها وتطمئن عليهم.
نجمة فاطمة معلش ممكن تجبيلي ماية 
تغادر فاطمة الغرفة وتخرج نجمة الملف وتضعه في ثيابها تأتي فاطمة وتأخذ نجمة منها الماء
نجمة كملي دراسة وتنظر إلى ياسين وتقول ذاكر كويس وأنا شوية وهاجي ليكم أذاكر معاكم
تأخذ قلم منهم وتغادر.
تخرج من الغرفة وتخرج الأوراق من ملابسها وتدخل غرفة آسر
آسر يتوتر وكان يتحدث في الهاتف ليقول للذي يتحدث معها طب ثانية يا شيخ توفيق خليك معايا ويترك الهاتف مش في باب يا غبية ما تخبطي
نجمة في داخلها شيخ توفيق! اللي بيضايقني أنك فاكرني هبلة 
لتقول نجمة نسيت
آسر عايزة إيه
نجمة الورق بتاع فاطمة وياسين اللي شوفته الصبح محتاج توقيعك علشان يسلموه للمدرسة تاني 
آسر يأخذه ومن حسن حظها كان يوجد ضوء نور خفيف يوقع من الأسفل دول قراءة الورق وكانت نجمة تضع يدها أعلى الورقة 
آسر أطلعي برا بقى وبعد كدا في باب تخبطي عليه
نجمة طيب
تأخذ نجمة الأوراق وتغادر