مأساه حوريه الفصل الجديد كامل بقلم فريدة أحمد
في السرير بانزعاج وفتحت عيونها اخيرا بضيق وهي بتقول.... ليييه ياماما. ليه بس كده
مامتها... مالك ياحبيبتي
قامت اتعدلت وقالت بزعل ... يوسف كان معايا. ليه بتصحيني خلتيه يمشي وهو كان واحشني اوووي
اتنهدت بحزن عليها لكن قالت...وبعدين ياحببتي هتفضلي علي الحال ده لامتي بس... ياحبيبتي انتي لازم تحاولي تنسي يوسف. وتعيشي حياتك.. بقالك شهرين مابتخرجيش من اوضتك حتي دروسك مبقتيش تروحيها ولا بتذاكري. وامتحاناتك قربت. هتفضلي كده لحد امتا بس ... لازم تقتنعي ان يوسف مبقاش موجود واللي بتعمليه ده مش هيرجعه
مامتها بيأس... بردو
حور بدموع... ياماما صدقيني انا حاسة ان يوسف عايش
ابتسمت وقالت... طب اقولك حتي وهو معايا دلوقتي قالي انو راجع وانا مصدقاه.. صدقيني يوسف هيرجع. قلبي بيقولي كده
اتنهدت مامتها بقلة حيلة وقالت... طيب ياحبيبتي.. يلا عشان تاكلي بقا
واتفاجات بيها لما ردت عليها بالموافقة وقالت... حاضر هاكل.. عشان هو كان زعلان مني اني مش باكل. وانا مش هزعله.. هغير هدومي واخرج وراكي
حور... حاضر
وقامت اتجهت ناحية الدولاب ومامتها خرجت
فتحت الدولاب واخدت سوي تشيرت من بتوع يوسف اللي كانت بتروح تاخدهم من وراه
شردت وهي بتفتكر
فلاش باك
كانت واقفة قدام دولابه
دخل وهو بيقول.... بتعملي ايه في اوضتي يابت
حور بتوتر.. مش مش بعمل حاجة.. ااه برتبلك دولابك. انا غلطانة يعني
حور.... م مفيش
مد ايده ورا ظهرها كانت ماسكة هودي من بتوعه
يوسف... يانهارك اسود.. بتسرقيني يابت
وعلطول اتذكر هدومه اللي كل اجازة بيكتشف انها ناقصة فقال...وانا اللي كنت فاكر ان في حرامي بيدخل اوضتي ويسرقني طول الفترة دي...الله يخربيتك طلعت انتي اللي مقلباني وانا مش دريان
حور بسرعة ... بلبسها. بلبسها والله
سابها وباستغراب ... بتلبسيها ازاي. وليه. هو انا منقصك حاجة ناقصك هدوم يابت. طلبتي حاجة مني وعمري قولتلك لا
حور بنفي... لا طبعا. انت بتجبلي كل نفسي فيه ومن غير ما اطلب منك. بس
يوسف... بس ايه ياختي
قربت حضنته وهي بتقول.... انا بحبك اووي يا يوسف. لما بتبعد عني بحس اني مش بقدر اتنفس
يوسف بلع وهو بيحاول يتحكم في نفسه وعلطول قال.... طب ايه رايك بسبب كلامك الحلو ده هاخدك ااكلك لحمة راس النهارده
رفعت وشها وقالتله... يععع
يوسف... يابنت ال.... طب اعملك ايه ماهي حركات امك دي هتخليني مطلعكيش من الاوضة غير وانتي حامل.. انا بحاول علي قد ما اقدر مااتهورش
بعدت حور بسرعة لما استوعبت ... يالهوي دا احنا لوحدنا
يوسف... لسه واخدة بالك ياروح امك.. خمس ثواني واخفي من قدامي احسلك بدل ماتطلعي ب اتنين
حور بغيظ... ساڤل
وخرجت بسرعة وهي بتاخد التيشيرت
باك
كانت ماسكة الهودي بتاعه وهي بتبتسم بدموع وبتقول... يلا ارجعلي بقا. اتاخرت اووي
....
في بيت جوز رباب
طيب نستأذن احنا بقا
قالها والد رباب وهو في بيت جوز بنته بعد راح هو ومامتها يسلمو عليه بعد ما رجع من الامارات
لسه بيقومو
علي فين ياعمي.. استنو انتو هتاخدو رباب معاكم
بصولو بدون فهم وبعدها ضحكو لما افتكروه بيهزر
مامتها قالت.... ايه ياياسر لحقت ترجع وتزهق منها
رباب... هو ياسر كده بيحب يهزر
ياسر.... لا المرادي مش بهزر يارباب.. انتي هتمشي
مع ابوكي وامك
وقبل ماترد ولا حد يرد قاطعهم لما كمل كلامه وقال
... خدي الولاد يا امل ودخليهم
