روايه حبيبي المدير الفصل 51 بقلم شيماء صبحي

يارب
حمزه كان واقف متابعهم من بعيد وماكنش راضي يقطع عليهم اللحظه ولاكن لما سمع اسمه واحلام بتدعيله قرب منهم وقال في حد بيجيب اسمي هنا
اتخضت احلام وماهر ضحك وقال مفيش يا مصېبه دي طنط احلام كانت بتدعيلك!
حمزه وهو بيبص لأحلام بحد يا طنط احلام!
ابتسمت احلام بهدوء ايوا كنت بدعي ان ربنا يخليك لخالك!
ابتسم ماهر وبصلها وقال باعتراض لا كنتي بتدعي ان ربنا يخليني ليكي وحمزه كمان!
ابتسم حمزه بحب مكسوفه تقولي انك بتحبيني ولا ايه يا مرات خالو .
ضحكت احلام وهو فرح انه شاف ضحكتها فقرب من خاله وخبط علي كتفه بغرور وقال اكرمني بق يا معلم علشان ضحكتهالك!
ابتسم ماهر ليك هديه مني حاضر
حمزه بلهقه ايوا بق هتيجي تخطبلي حنين مش كده
ماهر حرك راسه برفض ومسك ايد احلام ومشيوا من قدامه وهو فاضل واقف يبصلهم پصدمه وبيضرب كف بكف..
وماهر قعد هو واحلام علشان يكملوا كلامهم وهو قرر يتصل علي حنين ويغازلها شويه بدل ما هو واقف فاضي كده وبالفعل خرج حمزه لمكان هادي مليان بالورد واتصل علي حنين واول كلمه قالها وحشتيني!
حنين خجلت وقالت وعليكم السلام!
ضم حمزه حاجبه امم طيب عامله ايه يا حبيبتي.
حنين ابتسمت وردت عليه والله انا بخير وانت بق عامل ايه
حمزه بابتسامه بخير الحمدلله وبدأت بينهم مكالمه هاديه وكان حمزه بيغازلها وهيا بتزعقله ولحدما زهق من رفضها واعتراضها علي كلامه قال طيب بحبك يا حنين!
حنين اتوترت وهو قال عاوز اسمعها منك حالا
حنين بخجل تسمع ايه دلوقت ف يالبرد دا يا حمزه
حمزه اتكلم بجديه اسمعك وانتي بتقوليها يا حنين !
حنين بتوتر ممكن ناجل الحجات دي لبعدين
ضم حمزه شفايفه بزعل افهم من كده انك مش بتحبيني!
حنين بلهفه لا بحبك بس..
ضحك حمزه اخيرا سمعتها..فضل يضحك وهيا اما انتبهت للي قالته خجلت وقفلت المكالمه وهو من صډمته خرج من المكان دا ورجع قعد جمب خاله واحلام وبيسمع هما بيقولوا ايه.
وفي القسم!
وصل حسن وفريقه ومعاهم ادهم للقسم واللي حطوه في الحبس الانفرادي لحدما يتعرض للتحقيق معاه بكره وبعدما حسن اطمن ان ادهم خلاص بق تحت عينيه خرج من القسم وقرر يروح لمريم علشان يطمن عليها .
وهو خارج لقي احمد واللي بيوقفه علشان يعتذرله عن اللي خصل منه تلني فقطاعه حسن باعتراض خلاص يا احمد انا مسامحك اهم حاجه دلوقت اين مسكت الحيوان دا بس لو عاوز تصالحني بق حط عينك عليه واوعي ..اوعي يا احمد حد يقرب منه انا عاوزه ساج سليم لحدما التحقيق يخلص 
احمد حرك راسه بجديه متقلقش يا حسن انت معاك رجاله..خبط حسن علي كتفه بالتوفيق يا بطل ..احمد ابتسم ومشي ووقتها حسن خرج من القسم وركب عربيته وكان بيبص للصندوق اللي اخده من عم سيناء وكان عنده فضول كبير يعرف محتواه..
وبعد وقت وصل حسن للمستشفى وكان شايل الصندوق واول ما وصل لغرفه مريم شاف ماهر واحلام وحمزه قاعدين علي الكراسي وبيتكلموا فقرب منهم وسلم عليهم بابتسامه ووقتها ماهر كان وقف وقال ازيك يا حسن باشا ايه الاخبار
ابتسم حسن الحمدلله كله تمام يا ماهر باشا انت تمام!
ماهر بابتسامة انا تمام الحمدلله !
وقفت احلام وقالت مريم بخير يا استاذ حسن ومستنياك علي جوا فكره
حسن بفضول هيا صاحيه دلوقت
ابتسمت احلام وقالت هيا دلوقت نايمه بس هيا وصتني انك اول ما تيجي ادخلك ليها علي طول!
ابتسم حسن وسلم علي حمزه الي كان باصلله واسكت وبعدها دخل للغرفه ولقي انمريم نايمه نوم عميق