روايه حبيبي المدير الفصل 48
انت في الصفحة 1 من 5 صفحات
الفصل 48
رواية حبيبي المدير
الكاتبة شيماء صبحي
في المستشفي
كان ياسر فاق وأول حاجه سأل عليها هيا والدته ولما إكتشف إنها مش موجوده زعل جدا وطلب من رجالته يدوروا عليها ويشوفوا هيا فين وبالفعل بدؤا يدوروا علي ناني والدة ياسر في كل مكان وبدأوا يسألوا عليها كل أصحابها ومكانش حد عارف هيا فين لحدما قرر ياسر انه يخرج من المستشفي ويدور عليها بنفسه و لكن الدكتور رفض وطلب منه يرتاح لانه اتعرض لأزمة قلبيه ومحتاج يرتاح واي مجهود هيبذله هيضره و مش هيكون في صالحه!!
اتضايق ياسر وبق ف يخالة إكتئاب لان خلاص كل حاجه راحت من تحت ايديه فكان حاسس ان اللي حصله دا مش مجرد صدفه وان اكيد حد مرتبله كل حاجه فأول شخص جه علي باله هو ماهر الصياد
فاقبل ما ياخد اي قرار يضر بيت ماهر قرر يكتشف بنفسه لو كان الي عمل معاه كده ماهر ولا شخص تاني .
وفي يوم جديد وبداخل قصر الصياد
كان حمزه جهز ونازل علشان يفطر قبل ما يروح الكليه وفجاة لقي واحده ست نازله جمبه بصلها پصدمه وقال بتساؤل -مين حضرتك وكنتي بتعملي ايه فوق
حمزه بمفاجئة -انتي مامت احلام بجد ازي حضرتك عامله ايه
فاديه ردت عليه -الحمدلله بس هو حضرتك مين
حمزه بابتسامه -انا ابن اخت ماهر جوز احلام!
حركت فاديه راسها بالموافقه وقالت -وانت بقي عايش معاهم هنا في القصر دا
حرك راسه وهيا ابتسمت ابتسامه صغيرة وقالت -رايح فين كده
فاديه بتوتر -كنت نازله اشوف احلام هيا بتصحي متاخر ولا ايه
حمزه ضم حاجبه وقال -احلام وخالي مش في غرفتهم هما اكيد مستنينا علي السفرة
حركت راسها بتردد من انها تنزل وهو قال خلينا ننزل علشان نلحق الفطار قبل ما يخلصوه قال حمزه كلامه بمرح ونزل وهيا فضلت واقفه تبص حواليها بتوتر وبعد ثواني نزلت هيا كمان ولقت حمزه واقف بيتكلم مع مرسي ومصډوم من اللي بيسمعه فقال حمزه پصدمة وصوت واضح -هيا احلام عندها اخت.!!
اول ما فاديه سمعت كلام مرسي لحمزه شهقت پصدمه !وقالت -انت بتقول ايه انت متاكد تقصد بكلام دا مريم بنتي كانت في العمليات
حمزه بصلها بحزن وقال علشان يهديها -اهدي يا طنط اكيد هيا دلوقت بخير متقلقيش..مستحيل خالي او احلام يسبوها في حاجه زي دي واكيد عملوا معاها الواجب
حمزه بص لمرسي بحزن وقال -مقالوش هيا في مستشفي ايه..
مرسي حرك راسه وقال -لا يا بيه قالو المستشفي العام اللي علي الطريق الصحرواي
حمزه حرك راسه وقال -طيب يا مرسي بلغ اي حد من الرجاله يروح مع طنط علشان انا عندي امتحان مهم ومش هينفع اسيبه علشان خالي هيزعقلي!!
مرسي حرك راسه وجري علشان يبلغ
