روايه حبيبي المدير الفصل 41
انت في الصفحة 1 من 5 صفحات
الفصل_41
رواية_حبيبي_المدير
الكاتبة_شيماء_صبحي
قبل قراءة الفصل إعملوا متابعة لصفحتي دي بسرعه
في يوم جديد صحيت مريم ولقت
مريم پاختناق. حسن ..حسن
كان مكمل نوم ومش بيرد عليها فقربت اكتر واضح حسن..انت نايم فوق قوم!
مكنش بيرد عليها تاني
وفي القصر
صحيت احلام قبل ماهر وقررت انها تعمله فطار بنفسها علشان هيا حاسه انه لسا متصالحش معاها بنسبة١٠٠٪ واو لما نزلت للمطبخ كان الشيف المسؤول عن المطبخ بيعمل الفطار واول مشاف احلام ابتسم وقال صباح الخير يا هانم
الشيف حرك راسه فورا وقال طبعا تحت أمرك يا هانم اتفضلي..
احلام ابتسمت وشكرته وقربت من البوتجاز وقالت في بيض
الشيف بموافقه موجود يافندم..اي حاجه حضرتك محتجاها موجوده هنا
ابتسمت احلام وحركت راسها بالموافقه وقررت تعمل الفطار وكان بيساعدها الشيف..
احلام دخلت للجناح وهيا شايله الصينيه واول مشافته قاعد علي السرير ابتسمت وقالت صباح الخير يا حبيبي..أنا عملتلك الفطار
ابتسمت احلام وهوا قرب من السرير وحط عليه الصينيه وقالت حسيت انك متصالحتش كفايا فقولت اعملك فطار واصالحك بيه!
حرك راسه بموافقه وقال رغم اني اصلا اتصالحت امبارح وكفايه بس تسلم ايديك علي التقدير دا كله
ابتسمت بحب كبير وشاورت علي الفطار وقالت خلينا نفطر مع بعض..لانك كل يوم بتروح الشركه من غير ما تاكل
وفي غرفة حمزه كان صاحي علشان يروح الكليه لان النهارده اول يوم امتحان..فكان بيلبس وهو بيعدل لياقه قميصه والابتسامه مش مفارقه وشه..
افتكر كلام حنين وانها هترد عليه بعد امتحانها فدعي من قلبه انها تنجح وتجيب اعلي درجه علشان توافق بيه..
بعدما خلص لبسه قرر ينزل ويفطر مع احلام وخاله قبل ما يروح الكليه وهو نازل قابله مرسي وقال صباح الفل يا حمزه باشا حضرتك هتفطر هنا ولا في الجنينه
ابتسم مرسي وحرك راسه بالموافقه وحمزه اتحرك للجنينه وهو بيدندن اغنيه ووقتها وبعد ثواني الخدم بدأوا يجيبوا الفطار ..
حمزه بصلهم وقالو بتساؤل مش لما ماهر بيه واحلام هانم ينزلوا الاول
مرسي جه من ورا الخدم وقال البيه والهانم هيفطروا في جناحهم النهارده..اصل احلام هانم نزلت وعملت الفطار بنفسها
مرسي حرك راسه بالموافقه وحمزه قال طيب براحتهم ..قولي بق الفطار ايه
مرسي بدأ يشرحله مكونات الفطار النهارده وحمزه حرك راسه باستمتاع من اللي شايفه وبيسمعه فبص لمرسي وقال تسلم ايديك وتسلم ايد الشيف وتسلم الايد اللي جاب الاكل!
مرسي والخدم ابتسموا لان حمزه الوحيد هنا في القصر اللي بيغازلهم علي طول.. فاتحركوا علشان يسبوه ياكل براحته وهو قرر يأكل بسرعه علشان يطلع يرخم علي عصافير الحب في عشهم
وبعد وقت في غرفة ماهر
خبط حمزه علي الباب ولما قامت احلا تفتح قال وهو ضامم عينيه بمشاكسة اذيكوا يا عصافير الحب.. احلام بصتله ورفعت حاجبها وهو قال وهوا بيعدل وقفته احم فين خالي
احلام شاورت علي ماهر اللي كان بيظبت شعره قدام المرايه وهو قال وهو بيقرب منه صباح الخير يا خالي..ايه الحلاوه دي!
ماهر بصله في المرايه
