سلسلة عشق وتملك الفصل الثالث

ومين اللي نومها ...وقبل ما تفوق وتفكر كويس لقيت صوت قاسم المر عب وقايل
فوقي يا هانم ويالا قومي عشان تعملي فطار ...ولا خلاص فكرتي نفسك عروسة ...
بصت لقاسم بخو ف ...كان واقف جنب الدولاب بيزرر قميصه الابيض ...كان شعره الاسود لين باين عليه كأنه لسه خارج من الحمام واخد شاور ...عينيه السودا كان بيبصلها بكر ه وقال بقرف 
يالا قومي اعمليلي فنجان قهوة ...انجزي قومي !!
هزت راسها بتوتر وراحت جري على المطبخ ...قعد هو بتعب على السرير وهو بيكمل تزرير قميصه ...غمض عينيه بتعب ...لو بس لينا كانت مراته دلوقتي ...كان هيبقى اسعد انسان في العالم ...امتى يقدر يتجوزها ويخليها ملكه ....وقتها مش هيسيبها ابدا ...بس لازم يرجعها...الكلام اللي قالته خو فه اكتر ...
القهوة ...
خرجه من شروده صوت دلال اللي بيترعش ...فتح عينيه وشافها واقفه بتبصله بخو ف....عينيها البنية فيها ر عب كبير ....اخد منها القهوة وهو بيبصلها بقر ف وبدأ يشربها ...فجأة بعد القهوة عنها ورماها بعيد لحد ما اتك سر الفنجان والقهوة اتك بت على الأرض وصر خ فيها 
أنتي غب ية ...حتى القهوة مبتعرفيش تعمليها ...حما رة مبتفهميش ...يالا اتنيلي لمي اللي اتك سر ده ...يالا !!!
هزت رأسها وراحت تلم الفنجان اللي اتك سر وتمسح القهوة وهي بټعيط من الحزن ....
......
أنت كويسة يا بنتي !
قالها عزيز لبنته لينا اللي قعدت على الكرسي ...بصتله بهدوء وقالت
ايه اللي مش هيخليني كويسة...أنا زي الفل اهو...
اتنهد عزيز بتعب وهو بيمسك ايد بنته وقال
سامحيني يا بنتي اني ....
ابتسمت لينا وهي بتقاطعه وبتحط ايديها التانية على أيده وقالت
أنت ملكش ذ نب يا بابا انت قولت هتدعمني في اي قرار ...بس احنا مفروض منزعلش على انسان قرر أنه هو يمشي ...دايما بتقولي اللي عايز يمشي من حياتنا الباب يفوت جمل وانه مش خير لينا ..واهو مشي معناه مش خير ليا اكيد ربنا شايلي الاحسن .....
بصت مودة على بنتها بفخر ...لينا كانت دايما قوية ... أما مريم قربت من اختها
وقالت 
هو ده الكلام يا سطا والله ...
ضحكت لينا

وقالت 
يسطا...فين بنت تقول كده ...
قعدت مريم على السفرة وهي بتاكل الخيارة وبتقول
يووه بنات كتير بتقولها ...انت مش عايشة في الدنيا ....
ضحك الكل على مريم وقرروا ياكلوا بهدوء
.......
تاني يوم....
في بيت قاسم السيوفي ...
في المطبخ ....
كانت منيرة ماسكة ايد بنتها وهي بتقول

بتقولي ايه يا بت...يعني ايه محصلش حاجة!أنت عب يطة يا بت ...للدرجادي أنت ست فا شلة ...
يا امي هو مبيحبنيش ولا بيطي قني ....
لا أنت اللي فا شلة يا دلال ...فش لتي تخلي جوزك يقرب منك ....لازم تخلي قاسم يتعلق بيكي مش عايزاه ير ميكي بعد ما ياخد اللي عايزه زي ما عمل اخوه زين أنت فاهمة !!!
زين عمل ايه !
صوت قصي القوي قاطع كلامهم...بهتت منيرة وهي بتبص على ابنها اللي كانت عينيه الزرقا بتلمع بغض ب واجر ام!!
يتبع
والعلة هي العشق 
سولييه نصار