روايه مأساة حورية الحلقه 31

اني ضايقتك كتير وعاملتك بطريقة مش كويسة. حقك تبقي كرهاني.. بس انا ندمت علي كل حاجه وحشة عملتها فيكي. انا جيالك وعشمي كبير انك تسامحيني يابنتي
حورية وهي مش داخل عليها دخلة الطيبة دي قالت بسخرية... وايه اللي حصل فجأة علشان قدرية بجلالة قدرها تيجي لحدي وتطلب السماح
قدرية بدموع مزيفة... ندمت. لما راجعت نفسي ندمت وعرفت قد ايه كنت بظلمك وانتي مالكيش اي ذنب. اصل الخلفة دي حاجة بإيد ربنا. اعذريني انا كان من حقي اشوف عيال لابني. علشان كده ڠصب عني كنت باجي عليكي. ودا كان جهل مني. بس دلوقتي فهمت لما راجعت نفسي.. وجيالك لحدك ابوس علي راسك. اتمني تقبلي اعتذاري وتسامحيني يابنتي وتوافقي ترجعي. انا خلاص رضيت بقسمة ربنا. وعمري ما هحملك ذنب انك مبتخلفيش..ومادام ابني مش قادر يستغني عنك. انا ميهمنيش غير سعادة ابني. ارجعي ياحورية كلنا عايزينك. وصدقيني هتشوفي معاملة تانية خالص محدش هيدوسلك غلي طرف احنا كلنا حسينا بقيمتك بعد ماخسرناكي.. انتي متعرفيش محمد عامل ايه من غيرك.. انتي عارفة انه بيحبك والدليل اهو مفكرش في مرة يتجوز عليكي ومتنازل عن الخلفة. مستعد يكمل باقي حياته من غير مايكون عندو ابن يشيل اسمه بس علشانك علشان بيحبك وعايزك.. طب قوليلي انتي في حد بيحب حد كده. ابني بيعشقك ياحورية... قولتي ايه يابنتي
حورية... قولت تقومي تمشي تطلعي برا. انا مش فاضيالك كفاية انك عطلتيني في كلام ملوش لازمة.
قدرية بصتلها پصدمة وحورية تابعت كلامها.. ماتقومي ياوليه توريني عرض اكتافك 
قدرية قامت وهي بتقول بزهول... انتي بتطرديني 
حورية... اه ياختي بطردك وكل التمثيل بتاعك والكلام اللي هريتيه ده مادخلش ذمتي ببصلة.
كانت حور قاعدة في سريرها ساندة ظهرها علي ظهر السرير مغمضة عيونها ودموعها بتنزل وهي حاضنة صورة يوسف اللي مبقتش تسيبها من ايدها 
زادت دموعها وهي بتفتكر يوم ما كان راجع الجيش 
فلاش باك
كانت عمالة بتحضن فيه وهي پتبكي ومش عاوزة تسيبه
ولا تفارق حضنه 
يوسف ...انا مش فاهم ليه محسساني اني رايح اموت
حطت ايدها علي بوقه وقالت بدموع... بعد الشړ عليك. اوعي تنطقها..
حضنت وشه بكفوفها وهي بتقوله.. اوعدني انك هترجعلي يايوسف 
يوسف مسح دموعها وباس راسها وقالها... الاعمار بإيد ربنا ياحبيبتي 
حور بدموع... ونعم بالله.
بصتله وقالت بترجي وخوف متملك من قلبها... متروحش الجيش يايوسف. متسبنيش. انا خاېفة عليك 
يوسف بهزار... يابت انتي عمالة تفولي عليا كده.
باس خدها وقال... هرجعلك. ان شاء الله هرجع. انا عندي امل ان ربنا مش هيفرقنا. وهنتجوز ونجيب عيال. بس بطلي انتي تفولي عليا
فضلت تحضن فيه بدموع.. وهي بتقول ربنا يرجعك ليا بالسلامة يارب يارب 
بااك
فتحت عيونها وهي بتمسك سلسلتها اللي عليها صورته وبترفعها تبوسها وهي پتبكي بحزن شديد وبتقول.. وحشتني اووي. اوووي ياحبيبي. 
وهي بتبص لصورته وبتكلمه بعتاب... هونت عليك تسيبني الفتره دي