روايه حبيبي المدير الفصل 39

هتستني لحد امتي فين
مروه اتنهدت وهيا بتقول_مش عارفه بس انا محتاره اوي ومش عارفه اعمل ايه!
احلام مسكت ايديها وقالت بابتسامة_اديله فرصه مش هتخسري حاجه وبعدين انا متاكده انك هتحبيه اوي كمان.
مروه حركت راسها بالموافقه وقالت باقتناع_خلاص هوافق 
احلام بصتلها بحب وابتسامه وقالت_هي دي صحبتي العاقله اللي بحبها!
مروه ضحكت بخجل وبصتلها وقالت_صحيح يا احلام طمنيني انتي وماهر عاملين ايه
احلام_الحمدلله
مروه حركت راسها وقالت_يارب دايما بس انا قصدي علي الحجات التانيه اييه النظام قالت كلامها  
واحلام ضړبتها علي ايديها بخجل ووشها أحمر وقالت_احنا مأجلين لحد يوم الفرح
مروه بانتباه_يعني ماهر هيعملك فرح
احلام حركت راسها بفرحه_ايوا طبعا وهيكون بعد شهر من دلوقت..وقالي اشوف ايه احتياجاتي كعروسه واجيبها.
ضحكت مروه وقالت وهيا بتشكر في ماهر_ طلع بيفهم ماهر..كملت بضحكه ..اه لو عرف انتي كنتي جايبه ايه لجهازك وعيناه
ضړبتها احلام بخفه علي ايديها علشان تسكتها ومروه ضحكت بقوه وقالت_الكنغر يا احلام ..جيبه طقم الكنغر
احلام مقدرتش تمسك ضحكتها واصوات ضحكهم بق عالي ومكانوش قادرين يسيطروا علي ضحكهم لحدما مروه افتكرت طقم سمكة القرش اللس احلام كانت جابته بعد طقم الكنغر ووقتها ضحكها زاد وقالت_ولا سمكة القرش..
احلام من كتر الضحك ضړبت علي الطرابيزه بقوه ووقتها انتبه ليهم الناس اللي في المكان وضحكوا علي ضحكهم لحدما مروه واحلام حاولوا يسيطروا علي نفسهم وبعدما اخدوا نفسهم مروه قالت_الظاهر ان ماهر هيكون مبسوط معانا اوي
ضحكت احلام وحركت راسها_لازم يشوف العجب كله ..مش سابني لوحدي سنين كتيره
مروه حضنتها بضحك وقالت_ربنا يكملك بعقلك يا صحبتي..
أحلام ابتسمت وشاورت للويتر علشان يحاسبوا وكانت مروة بتفتح شنطتها ولاكن احلام وقفت ايديها وهيا بتوريلها الفيزا اللي ماهر اداهالها وقالت_ماهر ادهالي..شوفي نفسك في ايه وخلينا نجيبه
مروه بصت للفيزا باعجاب واحلام حاسبت بيها وبصتلها وقالت_بما انك معايا تعالي نختار حجات لينا ونشتريها.
مروة باعتراض_بس مش ممكن ماهر يتضايق
احلام برفض_لا لا متشيليش هم دا قالي براحتنا
مروه بشك_متأكدة
احلام حركت راسها ومسكت ايديها وقالت_يابنتي خلينا ندلع نفسنا شويه..ابتسمت مروه وحركت راسها وخرجوا الاتنين من الكافيه بسرعه وركبوا العربيه واول ما السواق سألهم هيروحوا فين قالوا وهما بيبصوا لبعض بحماس_مول مصر
السواق حرك راسه واتحرك بالعربيه .
_وفي بيت حسن
صحيت مريم وهيا بتبص حواليها وبتحاول تفتكر اللي جابها هنا وايه اللي حصلها..وفي الوقت دا كان حسن موجود بره وبيجهزلها اكل وبعدما هيا افتكرت كل حاجه قامت علشان تدور عليه ولما لقته واقف في المطبخ وبيعمل الاكل كان شكله حلو فحست ان قلبها بيدق ليه باعجاب ولاكنها افتكرت فورا اللي هوا عمله فيها فتراجعت بسرعه عن الفكرة اللي في دماغها وقربت منه وقالت_بتعمل ايه يا حضرت الظابط
بصلها بانتباه ولما لقاها اتحسنت شويه عن انبارح قال_انتي كويسه حاسه باي ۏجع
حطت ايديها علي شعرها وقالت_شويه ۏجع في شعري بس انت لسا شاغل بالك بيا ليه
طفي البوتجاز وقرب منها وقال وهوا حسن ولي شاغل بالي بيكي بق علشان احميكي..علشان غلطت في حقك ولازم اصلح غلطتي
اتوترت مريم من قربه ليها فقالت بتوتر_طيب انت مقرب مني كده ليه..مش خاېف لاضربك واعورك
بصلها بدهشه وهيا رفعتايدهيا وقالت_مش خاېف
حرك راسه بالرفض وهيا قلبها فضل يدق تاني بسبب نظراته ليها فحاولت تبعد عنه وهوا كان مبسوط انه قريب منها كده وبيتأملها فبعد عنها وقال_انا عملت اكل ليا وليكي ..تعالي كلي معايا
كانت هتعترض وترفض بس بطنها اصدرت صوت بيدل علي جوعها الشديد فقرب الاكل من السفره وهيا مشيت وراه وقعدت فقال_بالف هنا
بصتله وسكتت وهوا استغرب انها مش بتاكل
فقال بتساؤل_هو الاكل مش عاجبك
حركت راسها برفض وفضلت بصاله وساكته فقرب هو ياكل الاول لانه فهم انها خاېفه ليكون حاطتلها حاجه وشحه في الاكل وهيا ابتسمت بخفه لانه فهمها ولما لقته اكل قبلها اطمنت واكلت هيا كمان وهو كان بيبصلها ومبتسم علي شكلها وكان بيفكر ازاي هيحميها من ادهم بعدما وقعها تحت ايديه ڠصب عنه..
وفي شركة الصياد كان في اجتماع لرؤساء الشركة وكانوا بيتكلموا في الشغل وفي وسط انشغال ماهر معاهم في الحديث وصلت رساله علي تيلفونه فقطع كلامه معاهم وبص يشوف محتوي الرساله ولما قرأها اټصدم لان مكتوب فيها تم خصم ١٢٠ الف جنية من حسابك البنكي..فضم حاجبه باستغراب لانه ماشتراش حاجه ولاكنه افتكر احلام وانه ادالها الفيزا فبص لاعضاء الاجتماع وقال بجديه_خلونا ننهي الاجتماع لحد كده النهارده 
كل الرؤساء حركوا راسهم وخرجوا وهو اتصل بسرعه عليها وقال_انتي اشتريتي ايه بالفيزا يا احلام
احلام بتوتر_هو في حاجه حصلت ولا ايه
ماهر بتساؤل_هو ايه الدوشه اللي حواليكي دي هو انتي فين
احلام بقلق_مول مصر
ماهر بدهشه_يعني فعلا شكي صح ..سحبتي ١٢٠ الف في ايه يا احلام
احلام بصت لمروه اللي ماسكة في ايديها سبايك دهب وبتقول_كان في عرض ..و
ماهر اتكلم وقال_ايوا عرض ايه بق
احلام_هقولك بس متتعصبش
ماهر_حاضر انا سامعك اهو!! 
احلام بصت لمروة بتوتر وقالت بصوت هامس_اشترينا سبايك دهب ..اصل كان عليهم عرض واحنا لما شوفناهم اشتريناهم ..
مروه بصت حواليها ولفت نظرها عرض لبوتجاز وثلاجة بسعر ٣٠ الف فقالت بصوت واضح وصل لماهر_شوفتي يا احلام العرض دا احلام انتبهت ليها وقالت_عرض ثلاجة وبتوجاز ب٣٠ الف بس
ماهر حط ايديه علي قلبه بقلق وهيا قالت_حلو دا خلينا
ماهر بماقطعه وصوت عالي_اطلعي بسرعه من المول دا يا احلام بدل ما اجيلكوا وانتوا متعرفوش ممكن اعمل معاكوا ايه
احلام بصت لمروه واللي بتبص للتيلفون بغيظ لانه صوته كان عالي فاحلام قالت_ماشي حاضر طالعين اهو
ماهر _متشتريش اي حاجه انا مش محتاج انك توفريلي فلوسي فاهمه..كمل پصدمة _زمانهم ضحكوا عليكوا اصلا ..كمل بتساؤل_هو بتاع الدهب اللي اشتريتوا منه السبايك دي ادالكوا فاتوره
احلام ومروه بصوا لبعض وحركوا راسهم پصدمه وهيا قالت_لا ماخدناش فاتوره
يتبع بقلمي شيماء صبحي 
احلام خلاص هتطير الجزء اللي فاضل من عقل ابننا الغلبانتتوقعوا ماهر هيعمل معاهم ايه بعدما اتنصب عليهم
رواية_حبيبي_المدير
الكاتبة_شيماء_صبحي
شيماء صبحي
متنسوش متابعه الصفحة يا حبايب قلبي 
الكاتبة شيماء صبحي Shaimaa Sobhy