روايه في قبضة الفهد الحلقه 26 الاخيره
انت في الصفحة 1 من 3 صفحات
روايه فى قبضة الفهد
الفصل ٢٦ الاخير
فى المستشفى الكل متجمعين بيستنو تمارا تخرج من اوضه العمليات الدكتورة جت عليهم كلهم قربو منها
مريم تمارا والبيبي بخير يادكتورة
دكتورة انا لسه هدخل اطمن عليها قبل ماتدخل العمليات
حسن نعم ماهى دخلت بقالها اكتر من ساعه
الدكتورة هتدخل ازاى وانا لسه واصله اصلا
مروة فى دكتورة قالنا انه دكتور البيج وخدرها واخدها
مريم بصت لكنان اللى واقف مش بيتكلم
الدكتورة طب هما دخلو انهو اوضه
زينب شاورت على الباب من هناك
الدكتورة حضرتك ده ممر اللى فيه الاسانسير بيطلع على السطح
حسن وهو هيطلع اختى السطح ليه
الدكتورة طب اهدى وانا هخلى الممرضات يدورو عليها فى المستشفى كلها
فاطمه لا احنا كلنا هندور عليها يلا يا ولاد
حسن وكنان ومريم وشروق دورو مع الممرضات فى كل المستشفى مافيش اثر ليها
كنان خلينا نشوف الكاميرات
راحو اوضه التحكم وجابو كل الكاميرات مش ظاهرة فى الكاميرات ولا حتى لما خرجت من الاوضه اخر حاجه ظهرت لما الدكتور دخل عندها بس
مريم يعنى ايه تمارا هتكون راحت فين ده اخدها قدام عيونا كلنا
مريم بصت لكنان معقول يكون خطڤها ياكنان
كنان قصدك مين
مريم الراجل اللى اسمه فرانكو مش انت قولت انه جه مصر
كنان مش عارف يامريم
حسن مين الراجل ده ويخطف اختي ليه
كنان طب اهدى ياحسن خلينا نعرف نفكر وانا هكلم رجالتى وهتصرف اهدو وخلينا نرجع الفيلا
شروق هنرجع من غير تمارا ازاى
كنان تماارا مش فى المستشفى هنعمل ايه هنا بقي خلينا نروح الفيلا ونشوف هنتصرف ازاى
حسن ادينا رجعنا الفيلا قولى بقي الراجل ده مين ويخطف اختى ليه
كنان حكالهم كل حاجه من اول ماتمارا ضړبت فرانكو وانه كان بيدور عليها زى المچنون وفهد اتجوزها عشان يحميها منه وانه خطڤها اكتر من مرة ورجالته هما اللى ضړبو تامر
حسن پصدمه يعنى كل ده حصل مع اختى وانا معرفش
مريم انت كنت بسمع لسماح ياحسن تمارا كانت بتحكيلى على كل حاجه بتحصل معاها
كنان انا هكلم رجالتى وهشوف فرانكو فين الوقت
حسن طب بسرعه بقي
فى احدى المستشفيات
تمارا نايمه على السرير وبدات فوق فتحت عينيها كانت الرؤيه مش واضحه فضلت تفتح وتغمض عينيها لحد مالرؤيه وضحت لقت نفسها فى اوضه تانيه غير اللى كانت فيهاا قامت قعدت بتعب والباب اتفتح ودخل الدكتور اللى كان عطاها حقنه البنج حمدلله على سلامتك
الدكتور لسه شويا معاد ولادتك
تمارا والمغص الجامد اللى جالى
الدكتور ده شئ عادى عشان البيبي كبر ولما بيتحرك فى بطنك طبيعى تحسي بمغص
تماارا سكتت شويا وبصتله ولما انا مش هولد اديتنى بنج ليه
الدكتور ده مش بنج ده كان نوم منوم
تمارا نعم منوم ليه وفين عيلتى ودكتورة امل
الدكتور ممكن تهدى شويا
تمارا بعصبيه اهدى ايه بقولك فين اهلى نادى عليهم انا عايزة امشي من هنا
الدكتور طب اهدى وانا هفهمك كل حاجه
تمارا قامت من على السرير وزقت الدكتور وفتحت الباب وخرجت لقت انها فى مشتشفى تانى بصت لدكتور انا فين وفين اهلى
الدكتور احنا مش فى مصر
تمارا بصوت عالى خلى كل الناس اللى فى المستشفى يبصو عليها نعم مش فى مصر ازاى يعنى اومال احنا فين
الدكتور اهدى عشان احنا فى مسشتفى مينفعش الصوت العالى ده
تمارا بعصبيه دانت ههد المستشفى على دماغك لو متكلموش وقولتلى انا فين
الدكتور شدها من دراعها وډخلها الاوضه تانى اهدى بقي
تمارا ضړبته بالقلم انت ازاى تمسكنى كده ياحيوان انت مفكر نفسك ايه
الدكتور بضيق ماتهدى بقي
تمارا اخر مرة هسالك انا فييييييين
الدكتور اسبانيا
تمارا ضحكت انت بتهزر صح
الدكتور والله احنا اسبانيا
تمارا راحت وقفت قدام الشباك وشايفه الدنيا كلها لونها ابيض من التلج وبصت لدكتور انا جيت هنا ازاى
الدكتور اكيد بطيارة يعنى
تماارا اتعصبت اكتر بقت تمسك كل حاجه وتحدفها على الدكتور وفجاه صړخت لما حست بۏجع فى بطنها مسكت بطنها وقعدت فى الارض وبقت تصرخ جامد الدكتور جاب حقنه بسرعه واداها لتمارا فى دراعها والرؤيه بدات تغشش وفجاه دخل حد من باب الاوضه ولابس لبس دكتور ولابس كمامه وقرب من تمارا اللى بصت فى عينيه اوى پصدمه وخوف واغمى عليها واشتالها الشخص ده وخرج من الاوضه ونزل وركب العربيه وهى فى حضنه والسواق مشي بالعربيه
فى القاهرة حسن كان هيتجنن بسبب تاخر كنان اللى خرج وقالهم هيتصرف ولحد وقت متاخر مرجعش على البيت
كنان دخل الفيلا وحسن جرى عليه عملت ايه
كنان فرانكو مختفي
مريم يعنى مش موجود فى مصر
كنان ولا فى ايطاليا مش عارف راح فين ده
شروق طب تمارا فين
كنان رجالتى قالبين الدنيا عليها وان شاء الله نلاقيها
زينب البنت حامل وممكن يحصلها حاجه
مريم لا لا ان شاء الله مش هيحصلها حاجه
الكل ام شاء الله
كنان ياريت تطلعو ترتاحو شويا وان شاء الله بكرة هيكون عندنا عنوان المكان اللى فيه تمارا
حسن بص لمروة والبنات اللى باين عليهم الحزن والتعب كنان عنده حق يلا نطلع نرتاح شويا
الكل طلع على اوضته ونااامو من التعب
تانى يوم فى اسبانيا
تمارا بدات تفوق شويا بشويا وحاسه بتعب وۏجع جامد فى بطنها قامت من على السرير وخرجت من الاوضه واتفاجت بالمكان اللى هى فيه
كانت فى بيت كله اليض فى ابيض وفيه شباك كبير من الازاز ظاهر من وراه الثلوج ومنظره تحفه
نزلت من على السلم وهى بتفتكر كلام الدكتور وفجاه افتكرت الشخص اللى دخل وهى بيغمى عليها وعيونه وهمست فهد
تمارا حاست راسها لفت وكانت هتقع من على السلم بس كان في قبضة من حديد مسك ايدها وشدها لحضنه
تمارا بصلته اوى فهد..فهد انت عايش
فهد ضمھا لحضنه بقوة وحشتينى يانبض الفهد
تمارا حضنته اوى وعيطت بصوت عالى وهى مش مصدقه انها خلاص فى حضڼ فهدهاا
فهد كان بيطبطب عليها وبيقولها كلام يطمنها
تمارا بعدت عنه حضنه ومسكت وشه بين ايدها انت عايش يعنى انا مش بحلم صح
فهد باسها صح ياتمارا
تمارا انا مصدقتش لما سمعت الخبر وقولت مستحيل فهد يسبنى لوحدى وكنت متاكده انك عايش
فهد حضنها بقوة ورفعها عن الارض وتمارا كانت مڼهارة
فجاه زقته وبعدت عنه وفهد استغرب مالك ياتماارا
تمارا ضړبته فى صدره بقوة لما انت عايش سايبنى طول الايام دى ومطمنيش عليك
تمارا كانت بتضربه مع كل كلمه انت عارف انى كنت بمۏت بالبطئ وانت ولا على بالك.....كنان كنان كان عارف
فهد كنان معرفش غير لما انتى بداتى الشهر التاسع كلمته وعرفته وقولته ميجبش سيرة ليكى
فلاش باك
كنان كان قاعد فى اوضته وفونه رن برقم من برا رد عليه الو
فهد اخبارك ايه ياصاحبي
كنان قام وقف فهد ... فهد انت عايش دى تماارا هتفرح اوى استنى اوديلها التلفون
فهد لا تمارا مش لازم تعرف خالص
كنان وراكان فين
فهد راكان كمان كويس وهو معايا متخافش
كنان طب ليه عملتو كدا
فهد بعدين
