روايه حبيبي المدير الفصل الخامس

ولا حضرتك شايف ايه !
علي هز راسه بالايجاب وقال_ لا كله تمام شكرا لتعبك معايا يا استاذه مروه
مروه بصتله بهدوء وقالت_ اتفضل يا دكتور ارتاح علي مكتبك و انا دقايق هدخل لحضرتك المړضي اللي هيغروا علي الچرح زي ما الدكتور طلب مني وطبعا مش محتاجه اقول لحضرتك لو احتجت اي حاجه انا موجوده
علي بصلها بابتسامه وقال_ حاضر يا استاذه مره متقلقيش
مروه هزت راسها بابتسامه وخرجت ودخلته اول بنت وبدا علي يغيرلها علي الچرح ومروه كملت شغلها مع الدكتور. 
بعدما احلام اتاكدت ان مكتبها مناسب وان مش ناقصها حاجه خرجت من شركة ديسكاشيال وعلي ملامحها ابتسامه مليانه بالرضا .
اتجهت لجراچ العربيات وركبت عربيتها وخرجت برا المبني الضخم واول حاجه جت في دماغها هيا انها تروح السوبر ماركت وتجيب مستلزمات الشهر بتاع البيت.
وبعد مرور ساعه وصلت احلام لسوبر ماركت كبير خرجت من عربيتها واتجهت للداخل واخدت عربية تسوق وبدأت تلف في السوبر ماركت..
وفي الجانب التاني كان موجود حمزه وجانبه ماهر اللي ماسك علبتين من الفول وبيقول_ العادي ولا الاسبايسي
حمزه قال بضيق_ انا مش فاهم دلوقت احنا بنعمل ايه هنا كان ممكن تبعت اي حد من الخدم لازم تنزل بنفسك وتجرني معاك كده 
ماهر بصله بضيق وقال_ كل اللي بعتهم مبيفهموش حاجه وبعدين انت تمشي جمبي وانت ساكت
حمزه ضړب الارض پغضب وهو بيبص حواليه بضيق فبص لعلبتين الفول اللي ماسكم ماهر وقال بغيظ _ سيب بق الفول دا وخلينا نركز علي المهم عايز اخلص .
بصله ماهر پغضب وحمزه ابتسم لما افتكر سيلين فقال_ بقولك ايه يا خالي هي سيلين المزه دي هتقعد معانا قد ايه
ماهر حط علبتين الفول مكانهم وقال_ شهر او شهرين زي مهيا تحب!
ابتسم حمزه وقال_ حلو اوي الكلام.
ماهر اتحرك بالعربيه وبصله وقال بسخريه_ متنساش انك مسافر اخر الاسبوع دا !
حمزه ضم حاجبه بحزن وقال_ لييييه بتعمل فيا كده
ماهر سابه يتكلم مع نفسه ودخل قسم اللحوم..وبعد دقايق حمزه انتبه ليه وجري وراه وقال_ يا خالي بق استني انت ليه مش راضي تخليني افضل هنا مش عاوز اروح دبي!
ماهر بصله وقال_ انت ليه عامل دوشه اسكت ازعجت الناس!
حرك حمزه راسه بالإيجاب وقال_ حاضر !
ماهر بدأ يختار احتيجاتهم للحوم وبعدها بص لحمزه اللي كان مركز مع البنات اللي حواليه فقرب منه وقال_ فيك حيل تعاكس البنات هات العربيه دي 
وحصلني.
حمزه هز راسه وهو بيضحك للبنت اللي بتبصله وبتضحك ..
ماهر قرب منه تاني وضربه في رجله وقال_ مش هعيد كلامي يا حيوان اتحرك
حمزه انتبه ليه ومسك العربيه بضيق واتحرك وراه لحدما دخلوا قسم تاني
احلام كانت في قسم الاسماك وبتبص علي كل الانواع بجوع قالت وهيا بتشاور علي نوع من انواع السمك _ الكيلو بكام لو سمحت !
الشخص_ ب٤٠٠ يا استاذه دا جاي من اسبانيا !
احلام اټصدمت من السعر فهزت راسها وقالت_ طيب عاوزه سمكه
الشخص اټصدم من كلامها وقال_ سمكه واحده يا استاذه
احلام حست بالاحراج لانه علي صوته بطريقه ملفته فقالت وهي بتهز راسها بالموافقة _ ايوه سمكه واحده بس هاتها كبيره!
الشخص هز راسه وهو بيبص عليها من فوق لتحت باستغراب معتقد انها بخيله لان نوع السمك دا صغير فالسمكه اللي هيا طالباها مش هتشبع طفل صغير فوزنلها السمكه وادالها الكيس وقال بغير نفس _ اتفضلي يا استاذه !
اخدت احلام الكيس وحطته في العربيه وبعدها اتحركت من قدامه واتجهت لقسم اللحوم!
عدي ماهر واحلام من جمب
بعض بالعربيات ولأن كل واحد مركز مع الطريق اللي ماشي فيه منتبهوش لبعض..
حمزه وهوا ماشي ورا ماهر خبط في احلام بدون قصد فقال بغرور_ مش تحاسبي يا انسه ولا انتي مش شايفه!
احلام عدلت طرحتها اللي اتفكت من أثر الخبطه وقالت_ حضرتك اللي خبطني وكمان عاوزني احاسب
حمزه بصلها من فوق لتحت بضيق وقال_ ايوا تحاسبي يعني انا اللي احاسب
احلام ضغطت علي اسنانها پغضب وقالت_ حضرتك لو فاكرني هخاف من الشويتين دول تبق غلطان وبعدين انت فاكر نفسك مين علشان تكلمني بالاسلوب دا روح والنبي شوف مين اللي مديلك علقھ واتشطر عليه!
حمزه بصلها پصدمه لانه لابس الماسك والنظاره ورغم كل دا لاحظت الورم اللي في وشه فقال_ انتي شكلك كده مجنونه بق
احلام زقت العربيه بعيد عنها وقالت پغضب_ لا مش مجنونه بس لو عايزه ابق مجنونه هبق مجنونه
حمزه رجع لورا پخوف من حركتها وهيا بتزق العربيه فقال بصوت عالي_ يا خاااالي 
ابتسمت احلام بسخريه وقالت_ ايوا كده ارجع لأصلك يا جبان!
حمزه قال پغضب_ انا مش جبان!
وصل ماهر علي صوت حمزه العالي فبص عليه لقاه واقف يبص للبنت اللي قدامه پخوف واضح في عينيه فقال بتساؤل وهو بيقرب منهم_ خير يا انسه بتتخانقي معاه ليه
احلام انتبهت للصوت اللي جاي من وراها فقالت بصوت واضح_ بما انك خاله ابق قول للست والدته انها معرفتش تربي.. لفت بجسمها علشان تشوفه ولاكنها اټصدمت لما اكتشفت انه يبق ماهر الصياد
يتبع بقلمي شيماء صبحي 
تفتكروا ان اللي حصل دا هيعدي بالساهل ولا هتحصل مفجأه غير متوقعه
تفاعل كبييير اوي يا حلوين عاوزه البوست يوصل لاكبر عدد من اللايكات 
حبيبي_المدير
الكاتبة_شيماء_صبحي