مأساه حوريه حوريه جميع الاجزاء و الجديد
علي السلم باستعجال وهي معاها كتبها ولسه هتتجه للباب وقفت
مكانها بضيق لما حماتها قالت بسخرية وهي قاعدة بتشرب الشاي هي ورشا علي فين ياختي
لفت ليها وهي بتبص علي الكتب اللي في ايدها
كملت بسخرية وقالت وبعدين ياحماتي كل يوم بتسأليني نفس السؤال وانا نازلة وبجاوبك نفس الاجابة ايه مستنيه اغيرلك الاجابة مثلا المفروض من غير ماتسالي انتي عارفة اني رايحة الجامعة اكيد بالكتب دي مش رايحة الملاهي يعني
قالتها حماتها بضيق وڠضب منها ومن سخريتها
هنا ببرود ليه بقا وانا كنت غلط فيكي
حماتها بسخرية كل ده ومغلطتيش ناقص تيجي تديني قلمين
كملت بتوعد وغيظ بس لما ييجي جوزك هخليه يشوف صرفة معاكي علشان تبطلي تتني وتتفردي علينا
هنا بلعت ريقها
بړعب لانها عارفة حماتها وانها مش هترتاح غير لما تسخن جوزها عليها زي ما بتعمل مع حورية
بس هنا برغم خۏفها قاطعتها وقالت ببرود متقلقيش يامرات عمي الدكتورة قالت عادي عن اذنك بقا علشان اتاخرت
وخرجت من غير ماتسمع منها اي كلام تاني
قدرية وده اسم حماتها بصراحة ملقتش اسم يليق عليها غير ده
قالت بزهول شوف البت اللي ماشافت تربية قاطعتني في الكلام ومشيت ولا هامها بس هقول ايه العيب مش عليها العيب علي ابططوخلاها تدلدل رجليها بنت فايزة
قدرية نكسرهالها ياختي ايه هسيبها تركبنا اكتر من كده ايه
رشا بس انتي عارفة كريم بيحبها
قدرية بيحبها اه
كملت وهي بتتوعدلها وقالت بس لو عرف قلة ادبها دي هيربيها انا عارفة ابني ابني راجل والحال ده مايمشيش معاه
شردت وقالت ماااشي ياهنا ان ماجبت مناخيرك الارض مبقاش قدرية
رشا ايه ياخالتي نزلت اقعد معاكي
قدرية متقعديش معايا ياختي قومي شوفي جوزك
بصتلها من فوق لتحت وقالت وبعدين مالك كده
فين يابت الاحمر والاخضر اللي دايما بتحطيهم علي وشك
كملت بسخرية ولا الحجات دي مش بتطلع لجوزك
رشا بتوتر قصدك ايه يعني ياخالتي
رشا بضيق ماهو ياخالتي اللي متغير معايا من وقت ما رجع مش مديلي وش اعمل ايه يعني
كملت بغيظ وبعدين سابني امبارح وسهر بره مرجعش غير الصبح
قدرية ما يمكن في حاجة مضايقاه في الشغل
في اللحظة دي خرجت حورية من المطبخ وقالت بتعب خلصت ياطنط
كملت بضيق
مخفي محتاجة حاجة تاني قبل ما اطلع
قدرية وانتي كنتي لسه عملتي حاجة يادلعادي
حورية بزهول انا نضفت البيت كله ومسحتو وغسلت المواعين وشطبت المطبخ من الساعة سبعة الصبح وانا واقفة علي رجلي
قدرية لسه ياختي اليوم طويل في غدا هيتحضر الشغل لسه مخلصش و بعدين السجاد اللي شيلته ده مغسلتيهوش ليه ولا تكونش مفكره اني شيلته علشان اعمله عرض
حورية وانا اغسلو ليه ماتبعتيه المغسلة
قدرية وانتي لازمتك ايه روحي ياختي اغسلي السجاد اخلصي
حورية واشمعنا انا اللي اغسله هو مفيش غيري في البيت ما عندك رشا وهنا وبنتك سمر ولا هو حورية تشيل الطين
قدرية اه ياختي مفيش غيرك عاوزة مين اللي يعمل رشا اللي معاها عيالها ولا هنا الحامل وبنتي في الجامعة عندها مذاكرتها
بصتلها بسخرية وقالت علي الاقل انتي لا معاكي عيل ولاتيل ارضك بور مش عارفة تجيبي حتت العيل ل
