روايه الشادر بقلم ملك ابراهيم الفصل الحادي عشر حتي الرابع عشر

رواية الشادر الفصل الحادي عشر والثاني عشر والثالث عشر والرابع عشر بقلم ملك إبراهيم حصريه وجديده 
الفصل 11
بصت له زوزو پصدمة وبعدت عنه شويه عقلها كان بيحاول يستوعب هو يقصد ايه قربها كرم له من تاني وبص في عينيها بقوة عشان يقدر يسيطر عليها وقالها
انا عايزك تساعديني اخلص من البرنس وفي نفس الوقت مظهرش في الصورة ان انا اللي عملتها

قلبها دق پخوف وسألته بفضول وهي بتتابع كل كلمه منه باهتمام وتركيز
اساعدك ازاي مش فاهمه!
ابتسم لها كرم واتكلم بمكر وقسۏة وحقد مالي قلبه
هقولك ازاي يا زوزتي بس الاول نطلع فوق شويه اصل انتي وحشتيني اوي
ضحكت زوزو بطريقه خليعه وقف كرم وحملها بين ايديه وخدها على غرفة نومها ليفعل معها ما حرمه الله.
بعد مرور شهر.
بدأت امتحانات جميلة وثريا وكانوا مركزين جدا في المذاكره والامتحانات.
حمزة كان مهتم بإدارة حراسة الشادر ومصانع فؤاد المنصوري كان مشغل عدد كبير من رجالته لحماية شغل المنصوري كله وشغل واحد من رجالته سائق وحارس ل صافي بنت فؤاد وكان بيرافقها في كل مكان تخرج فيه تحت اشراف حمزة.
في خلال الشهر اللي كان مسؤل فيه عن حماية مخازن المنصوري قدر هو ورجالته يمنعوا محاولة سړقة لمصنع الخشب ومحاولة حريق الشادر اللي بيملكه فؤاد المنصوري.
خلال الشهر ده فؤاد كان فرحان جدا بشغل حمزة واطمن ان شغله اصبح في ايد امينه وبيته وزوجته وبنته كلهم كانوا في امان في وجود حمزة ورجالته. وده زاد الثقة عند فؤاد وبدأ ينافس الكل بقلب قوي. البرنس كان فاكر ان هو ورجالته بيحموا شغل فؤاد في تجارة الاخشاب ومكنش يعرف انه بيحمي شغل فؤاد في تجارة المخډرات وان محاولة السرقه اللي منعها ومحاولة الحريق كان مقصود منهم المخډرات اللي فؤاد بيخفيها وسط الاخشاب بتاعه اللي بيستوردها من الخارج وبيخفي المخډرات جواها ويدخلها البلد ويوزعها على التجار.
منافسين فؤاد عجزوا انهم يسرقوا المخازن وېحرقوها حاولوا يضغطوا عليه عن طريق بنته بعتله واحد من منافسيه ټهديد انه مش هيقدر يحمي بنته منهم خاف فؤاد على بنته جدا وطلب من البرنس انه يحميها بنفسه ثقته في حمزة اصبحت كبيرة لدرجة انه عرض عليه مبلغ كبير جدا مقابل حماية بنته والمحافظة على حياتها وافق البرنس انه يرافق بنت فؤاد المنصوري في خروجها من البيت ويكون مسؤل بالكامل عن حمايتها.
كرم كان بيقوي علاقته بزوزو عشان تبلغه بكل شئ تعرفه عن فؤاد جوزها واتفاقياته مع البرنس اللي كرم ميعرفش عنها حاجه كرم اصبح مسؤل هو وبدر عن كل الرجالة اللي بيحرسوا الشادر والمصانع بعد ما البرنس انشغل في حماية بنت فؤاد المنصوري كرم كان طول الوقت بيفكر بمكر وحقد ازاي ينتقم من البرنس في الوقت المناسب بدر كان ملاحظ حقد كرم اتجاه البرنس لكنه كان مقتنع انه ده مجرد زعل وهيختفي مع مرور الوقت.
أمنية زوجة كرم كانت في شهرها التالت من الحمل كرم منعها تنام معاه في نفس الغرفة وكانت بتنام على الارض في عز البرد في صالة الشقة بتاع والدة كرم كانت عارفه انها تستاهل كل اللي بيحصل فيها ده وان ده جزء بسيط من العقاپ اللي تستحقه والدها مبقاش يتكلم معاها نهائي ولما بقت تروح زيارة لبيت اهلها والدتها كانت بتفضل ساكته ومتتكلمش معاها أمنية كان بيبقي في نفسها تتكلم وتحكي لوالدتها عن معاملة كرم ليها وكأنها خدامه فعلا زي ما قالها اول يوم اتجوزها فيه ومعاملة حماتها اللي دايما تبص لها بشمئزاز كان نفسها تحكيلها عن ذلها ونومها على الارض في عز البرد بس مكنش عندها جراءة تحكي اي حاجه لانها ببساطه هي اللي عملت كده في نفسها هي اللي رخصت نفسها وكسرت اهلها قررت تستحمل كل حاجه من اجل طفلها اللي جاي الدنيا وهو ملوش أي ذنب في الحياة اللي هي اختارتها لنفسها.
بعد انتهاء اخر يوم امتحان لجميلة وثريا وهما مروحين في طريقهم للبيت.
جميلة كانت متضايقه جدا انها مبقتش تشوف حمزة زي الاول تقريبا بقالها حوالي شهر مشفتهوش حتى ثريا طول الوقت بتقول قدامها ان حمزة مشغول وبقى يرجع كل يوم في وقت
متأخر وايام كتير بقى يبات برا البيت كانت مستغربه جدا انه حتى مبقاش يسأل عنها ولا يهتم يشوفها زي الاول حتى بقت تفتح شباكها طول الليل والنهار عشان تشوفه يقف في الشرفة زي الاول ويستنى يشوفها لكن مبقاش يعمل كده اهماله وتجاهله ليها ده كان مضايقها جدا كانت مستغربه من نفسها! الاول اهتمامه الزايد بيها ده هو اللي كان بېخنقها كانت بتتمنى تتخلص من ملاحقته ليها واهتمامه الزايد بكل حاجه تخصها دلوقتي بقت حاسه انها مش عايشه مفيش حاجه في حياتها ليها معنى من بعد ما تجاهلها بالشكل ده اتنهدت بتعب وهي ماشيه جنب ثريا بصت لها ثريا وسألتها بقلق
مالك يا جميلة.. خارجه من الامتحان مش مبسوطة ليه!
اتنفست بعمق وقالت
مفيش يا ثريا انا بس زهقانه اوي
ردت ثريا بملل
ومين سمعك.. انا كمان زهقانه اوي واهي الامتحانات كمان خلصت وخدنا اجازه من الجامعه يعني كمان هنتحبس في البيت لحد ما الاجازه تخلص
جميلة كان نفسها تسألها عن حمزة اوي بس كانت مكسوفه تسألها فكرت تسألها بطريقه تانيه
اومال بدر فين.. مبقاش يظهر زي الاول يعني!
اتنهدت ثريا بملل وقالت
مشغول يا ستي في الشغل بتاعهم ده اصل هو اللي بقى مسؤل عن حماية المخازن بتاع رجل الأعمال اللي هما بيشتغلوا تبعوا
استغربت جميلة وسألتها بفضول
اومال حمزة بيعمل ايه مبقاش يشتغل معاهم!
ردت ثريا بتلقائية
لا.. مهو حمزة بقى مسؤل عن حماية بنت رجل الاعمال ده اصلي كنت سمعت حمزة من كام يوم وهو بيتكلم في التليفون مع بدر وكان بيقولوا على حاجه في الشغل وانا طبعا ركزت في الكلام لما لقيته بيكلم بدر وسمعته بيقوله ان البنت دي متدلعه اوي وانه بيسهر معاها كل ليلة عشان يحرسها
اټصدمت جميلة ووقفت مكانها وسألت ثريا بفضول
والبنت دي قد ايه بقى ان شاء الله!
هزت ثريا كتفها وقالت بعفويه
مش عارفه بس شكلها في الجامعه تقريبا لان حمزة كان بيصحا بدري وبيقول لماما انه بيروح معاها الجامعه الصبح
اټصدمت جميلة ووقفت تبص قدامها بزهول بدأت تفكر بينها وبين نفسها ايه حكايتها البنت دي.. معقول هي اللي واخده منها حمزة وشغلاه عنها!.. معقول حمزة يكون اتعلق بالبنت دي ولا حبها ونسي جميلة!.. كانت حاسه انها ھتموت من الغيرة عليه كان نفسها تشوف البنت دي وتعرف ايه حكايتها وليه حمزة مبقاش مشغول بيها زي الاول وكل اهتمامه وكلامه بقى عن البنت دي. وقفت ثريا تتابع وقوف جميلة بستغراب ثريا كانت بتتكلم بعفوية ومش ملاحظه ان كلامها ده هيشعل ڼار الغيرة في قلب صحبتها سألت جميلة بفضول وهي بتتأملها بستغراب
مالك يا جميلة يا حبيبتي.. انتي متغيره اوي النهاردة!
بصت لها جميلة پغضب وهي بتحبس دموعها جوه عينيها قلبها كان موجوع اوي وخاېفه يكون حمزة انشغل بالبنت دي عنها مش عارفه هتعمل ايه لو ده حصل هي متقدرش