رواية كعب الغزال للكاتبة منال عباس الحلقه الاولى
...لايدرى سر انجذابه لتلك الفتاة ...فهو يحب زوجته ومرتبط بأسرته ولكن هذه الفتاة يشعر تجاهها مشاعر غير مفهومه بالنسبه اليه ... اتصل على ارشيف المستشفى وطلب منهم عنوان غزال بالكامل
وبعد أن دون العنوان خرج من المستشفى وأخذ سيارته إليها
وبعد وقت قصير وصل إلى العنوان
حيث كانت شقه فى الدور الارضي فى منطقه شعبيه ...وجد الباب مفتوحا
حمدى مش دا منزل دكتور غزال مصطفى ..
السيدة ايوا يا ابنى ..هو انت تقرب ليها
حمدى انا الدكتور بتاعها فى الجامعه
السيدة دكتور يا ما انت كريم يارب
والنبي ادخل شوفها
حمدى بقلق مالها غزال ودخل معها ليجد بعض السيدات يجلسن مرتديات ملابس سوداء
السيدة تعالى يا دكتور وانا هحكيلك
دى اوضتها وفتحت الباب ليجد غزال ممدة على السرير دموعها تنهمر على خديها دون أى صوت..
قصت له السيدة عن ما حدث وۏفاة والدها مصطفى
السيدة ومن وقت ما ډفناه وهى على الحالة دى ..مابتنطقش
حمدى غزال ..غزال يا بنتى البقاء لله
حمدى واضح انها اتعرضت لازمه نفسيه وعصبيه خلاها تفقد النطق
السيدة ياحبة عينى يا بنتى ...اصل ابوها كان كل اللى ليها
حمدى هو مالهاش قرايب ..
السيدة من يوم ما جم سكنوا هنا ماشوفناش ابدا حد بيزورهم ...
حمدى لازم تتنقل المستشفى ...خوفا أنها ټأذى نفسها ...واتصل على المستشفى وطلب عربيه إسعاف مجهزة لها ...
حمدى اطمنى دى المستشفى اللى دكتور غزال شغاله فيها .ودا أقل واجب ..
السيدة ربنا يكرمك ويوقف ليك ولاد الحلال ....
بعد مرور الوقت وصلت الإسعاف وتم نقل غزال إلى مستشفى الجارحى التخصصى ...
حمدى بجديه عايز فريق طبي كامل
لدكتور غزال ..وعايز تقرير كامل عن حالتها ...
دكتور حازم واضح انها اتعرضت لصدمه عصبيه ...الموضوع كله نفسي
هو اللى. خلاها فقدت النطق والحركه
لكن مفيش سبب عضوى كله نفسي..
علقنا ليها محاليل وحطينا ليها مهدئ
حمدى زى ما توقعت ..طب الحالة دى هتطلع منها امتى وازاى
دكتور حازم لازم نعرف ايه الأسباب اللى خليتها تفقد الامل فى الحياة بالشكل دا
شريف يبقي هو دا السبب احساسها أن ملهاش حد خلاها تفقد الامل فى الحياة وتستسلم لفكرة المۏت
دا خلى جهازها العصبي يدى إشارة للمخ بتعطيل بعض الحواس ..
لازم تخرج من الحالة دى بالعلاج ولازم
يظهر اى حد من أقاربها احساسها أنها وحيدة خلاها رافضه الحياة
حمدى بحزن للاسف عرفت انها مقطوعه من شجرة ..
مضى اليوم وعاد دكتور حمدى إلى منزله
فى فيلا حمدى الجارحى
سوزان زوجة حمدى الجارحى وهى سيدة فى منتصف الخمسينات تمتلك قلب ابيض طاهر وحنان توزعه على جميع من حولها
سوزان حمدالله على السلامه ..ايه اللى اخرك كدا ...اتصلت عليك كتير ومش بترد قلقتنى عليك يا حمدى
حمدى ويبدو عليه الإرهاق اخد بس دش وهحكيلك كل حاجه
قوليلى جواد وصل ولا لسه
سوزان بحزن للاسف لأ اتصل وقال
جاله شغل مهم ومش هيقدر يجى قبل اسبوع ..
حمدى انا مش عارف ايه اللى خلاه دخل الشرطه وبقي ظابط ومعرض نفسه للخطړ ..كان هيحصل ايه لو دخل الطب وبقي دكتور على الأقل يدير مستشفيات الجارحى من بعد مماتي
سوزان بعد الشړ عليك ..انت عارف أنه بيحب يعتمد على نفسه ..يلا جهزت ليك الحمام ...وهجهز ليك العشا
على ما تخرج وتحكيلى ايه اللي. حصل ...
عند جواد الجارحى
جواد
انت متاكد من المعلومات
