انفصام

قالهم عليه وماكنش فى حد نهائى. 
رفعت بحيره. انا بس عايز افهم انت ليه صممت نيجى هنا هو انا مش قولتلك اللى حصل 
ناصر وهو بيخبط على العربيه بعصبيه. ومين قالك انه مش كداب
دا واد  و س خ. 
صفصف. اهدى ياناصر مش كدا هو بنفسه اللى قال لرفعت انه شافها ما حدش سأله يبقى هيكدب ليه. 
رفعت بتأييد. صفصف عندها حق 
اهدا كدا خلينا نشوف  ممكن نلاقيها فين وازاى. 
روايات بقلم مشيره محمد
عند اشرف فى مكتبه الباب خبط وكان واحد من الموظفين. مساء الخير  يامستر اشرف.

اشرف مساء الخير ياباسم تعالى خلصت الورق اللى طلبته منك
باسم. ايوه وجبته معايا اهوه. 
اشرف اخد الورق يشوفه ولاحظ ان باسم عايز يقول حاجه فقاله وهو بيقلب فى الورق. فى حاجه ياباسم عايز تقول حاجه 
باسم. ابدا هو بس سؤال بسيط
اشرف. خير
باسم. لما مدام سلمى اتجوزت  ليه قولت انها مش بتفكر فى الجواز ولا انا اللى ماكنتش مناسب ليها 
اشرف انتبه لكلام باسم وساب اللى اى ايده وقرب منه. مين قالك انها اتجوزت. 
باسم. هتنكر  ليه بس عادى يعنى  عموما كل شئ نصيب وماكنتش هزعل لو كنت صادق معايا. 
اشرف. جبت الكلام ده منين
باسم. انا شوفتها بنفسى مع جوزها امبارح وبصراحه مش فاهم انت بتنكر ليه  انا بس عاتب عليك انك تقول انها رافضه الجواز  وهى فى الحقيقه رافضانى انا او انت اللى رافضنى لانها ماتعرفنيش كويس. 
اشرف استغرب كلام باسم شوفتهم فين
باسم. فى....... 
اشرف حب ينهى الكلام لان واضح ان باسم ما بيكدبش. معلش ياباسم عندى شغل كتير نتكلم وقت تانى  والافضل نقفل الموضوع لان كل شئ نصيب زى ما قولت  ورجع لمكتبه وعمل انه مركز فى الورق اللى معاه. 
خرج باسم من مكتب اشرف  وهومتغاظ من اشرف اللى مستقل بيه وشايف ان اخته كتيره عليه. 
اما اشرف قعد وهو مش فاهم حاجه  ايه اللى بيحصل بالظبط وايه اللى مامته بتقوله عن سلمى وحالتها وليه باسم متاكد ان اللى شافها دى سلمى مش حد تانى. 
عند سلمى اللى رجعت امبارح متاخر ومن وقتها ما خرجتش من اوضتها
والاغرب انها نايمه نوم عميق وكأنها من سنه مش نايمه. 
النهار خلصت وفريده حاولت اكتر من مره تصحى سلمى لكن لا حياة لمن تنادى!!
رإيكم يهمنى