العلة هي العشق سولييه نصار الفصل السادس

الفصل السادس الماضي 
اترعش جابر من الڠضب وهو بيسمع كلام حفيده ...حاسس ان كل حاجة هتبوظ تاني ...هو مستحيل يسمح لقاسم يبوظ اللي مرتبه ....دلال هتفضل مراته ...هو لازم يحافظ على حفيدة صاحبه الوحيد ...عشان كده لازم يجوز لينا بأقرب وقت ....
أنت بتقول ايه يا ولد! طلاق ايه وجواز ايه !انت مش هتتجوز على دلال!!

مين جاب سيرة اني هتجوز عليها أنا مقولتش كده ابدا يا جدي ...أنا بوضحلك اني هطلقها واتجوز لينا ...مستحيل اجيب لينا على ضرة أنا مرضاش ليها كده ابدا ....
اسكت...اسكت ..
صر خ جده فيه وقال
ايه الخرافات اللي بتقولها دي !!! قولتلك مش هتطلق دلال ...ولا هتتجوز لينا....طلع لينا من دماغك خلاص...أنا شوفتلها المناسب ليها...
ميل قاسم رأسه بخطۏرة وعينيه السودا لمعت وقال
معلش يعني ايه المناسب ليها
بصله جده بصرامة وقال
يعني لقيت عريس للينا خلاص .....
سيطر قاسم على نفسه بصعوبة عشان ميهدمش البيت على اللي فيه وقال
لينا....لينا بتاعتي عايز تجوزها لحد تاني !!!
بس يا ولد ...لينا مش ليك ...ولا انت ليها ...قصتكم انتهت من زمان ....
هز هو رأسه وقال
لا مستحيل ...قصتي مع لينا منتهتش ...أنا هتحوزها يا جدي ...لينا ليا ومش هتكون لحد تاني أنا سمعت كلامك وسترت دلال ...لكن ابوس ايديك متحرمنيش من الحاجة الوحيدة اللي أنا بحبها ...لينا لو راحت لحد غيري انا ممكن اموت فيها ...
بصله جده پغضب وقال
وهتكمل وعدك وتفضل مع دلال
وأنا مالي ...أنا مالي .. أنا ليه أشيل الهم ده...لا لا....أنا ميهمنيش حاجة ....أنا هطلق دلال واتجوز لينا ...لينا هي حب حياتي ...مش هسيبك تبوظ حياتي يا جدي مستحيل ....
ابتسم جابر وقال ببرود
تمام بس ملكش عندي ورث ...واي حاجة اخدتها مني هرجعها بمعرفتي ...ايه رايك ! وابقى روح اشتغل يا دكر وعيش مراتك !!!
اتوتر قاسم وهو بيبص على جده بس مردش عليه ومشي ....
قعد جابر على الكرسي بتاعه وهو بيتنهد بتعب ....لازم يجوز لينا
...لازم يتحرك بسرعة 
كانت واقفة في المطبخ قدام الحوض بتغسل المواعين وعيونها بتنزل دموع لوحدها بتفتكر حب حياتها .غمضت عينيها وهي بتشهق وبتفتكر اللي