روايه حبيبي المدير الفصل 34
انت في الصفحة 1 من 8 صفحات
الفصل_34
رواية_حبيبي_المدير
الكاتبة_شيماء_صبحي
اول ما ركبت العربيه اللي هتوصلها للقصر افتكرت احلام يوم ما والدها عمل الحاډث وامها واختها سابوها لوحدها وفجأة لقت نفسها مسؤله عن دفع ١٠ الاف جنيه كل شهر للمستشفي علشان يسيبوا والدها تحت الاجهزه بعدما دخل في غيبوبه..
احساسها وقتها بالضعف لما حست انها تايهه ومفيش حد معاها كان مؤلم جدا وقدرت تحس بيه تاني لما شافت حنين ولهفتها علي والدتها المريضه حتي وهيا معهاش حق العلاج رفضت مساعدتها..احلام كانت مستنيه زمان ان حد يساعدها بس محدش عمل كده وعمها لما دفع معاها وساعدها كان بسبب انها اترجتو انها مش قادره تجمع ال١٠ الاف لوحدها ..
اول ما دخلت كان في استقبالها حمزه وماهر واللي كانوا مستنينها ترجع واول ما شافتهم مسحت دموعها بسرعه وقالت بتساؤل_واقفين كده ليه!
حمزه بقلق_بټعيطي ليه هوا حصل حاجه لام حنين!
احلام بصتله وحركت راسها بالرفض وقالت_لا هيا كويسه وبعدين انا مش بعيط
ماهر قرب منها وقال وهو بيبص لوشها_مالك يا احلام هو حصل حاجه
حمزه حرك الكرسي بسرعه وبعد عنها لما لقاها بتقرب منه وهيا لما شافته بيعمل كده دموعها نزلت تاني وقالت_ليه رافض المساعده ..ليييه!
بصلها حمزه بدهشه لما لقاها بتصرخ فيه وهيا بټعيط فقرب ماهر منها لما اتاكد ان حصل حاجه خلاتها تبكي بالشكل دا فقال بتساؤل_ هو ايه اللي حصل مع ام حنين يا احلام
حمزه بص لخالو بتساؤل ولاكن ماهر كان مركز معاها وحاسس بألمها لان الحزن باين عليها فقرب من حمزه وقال_خليني اطلعك اوضتك انا ومرسي علشان ترتاح ..
حمزه حرك راسه بالموافقه وماهر نده علي مرسي وفي خلال ثواني كان مرسي وصل وبدأوا الاتنين يشيلوا حمزه بإحكام وطلعوا علي السلم وراحوا اوضته وحطوة علي السرير..
حمزه_لا تمام تسلم يا خالي.
ماهر حرك راسه بهدوء وابتسم وبص لمرسي وقال_علاج حمزه تحت انزل هاتوا وبلغ الطباخ يجهزله فطار خالي الدسم
مرسي حرك رأسه بالايجاب ونزل وماهر بص لإبن أخته وقال_تفتكر حصل معاها ايه
حمزه_اكيد ام حنين تعبانه وهيا زعلانه علشانها.
ماهر حرك راسه بالرفض وقال_ زعل احلام دلوقت ملوش علاقة بوالدة حنين ..
ماهر بتفكير_الموضوع خاص بماضيها ..شكلها اتعرضت لحاجه فكرتها بحاجة هيا مبتحبهاش..
حمزه بص لخاله وقال بجديه_طيب روح يا خالي شوف مالها متسيبهاش لوحدها كتير
ماهر بصله وقال_طيب انت..
حمزه قاطعه وقال_انا كويس وبعدين انا عارف العلاج بتاعي ومرسي معايا متقلقش روح انت اطمن علي احلام وبالمرة شوف ايه اللي حصل معاها..
ضغطت احلام علي عينيها وقالت_مفيش
ماهر وقال_هتخبي عليا انا ..دانا حبيبك!
لفت احلام بجسمها وبصت في عينيه وقالت بدموع_ام حنين تعبانة ومحتاجة تعمل عملية الزايدة وهيا طلبت مني اخبي عليك علشان مش عاوزين يضغطوا علينا ..انا زعلانه علي حالهم اوي ..كل شوية تحصلهم حاجه وحالهم يسوء أكتر..
انا عرضت عليهم اساعدهم بس هما رفضوا ..كملت پبكاء وقالت_بس شكلهم وهما محتاجين للفلوس فكرني بحالي بزمان لما كنت زيهم كده!
ماهر وقال بهدوء_خلاااص اهديي يا حبيبتي ..مسح علي شعرها بحنية وقال_بلاش تفتكري الماضي ارمي
