انت دائى ودوائى بقلم امانى الياسمين
عشان المشوار يكون أقرب
حمزه ولو انى معنديسش مانع انى آجى اسكندريه عشان خاطر رنا بس ده عرض مقدرش أرفضه
رامى ماشى خلينا على تليفون
حمزه وفكر يمكن ترضى تيجى معانا
رامى بحزم لأ معلش مش هينفع
حمزه براحتك
الټفت حمزه لرنا وقال خدى تليفونى سجلى لى رقمك
أخذت رنا هاتفه وسجلت رقمها ثم أعطته له مره أخرى
رنا أنا ملحقتش أشوفها مشيت علطول
حمزه هتجيلك بكره ماتقلقيش
رامى طب انا داخل لحسن ساره بتنده
حمزه ماشى يا رامى
ذهب رامى فالټفت الى رنا وقال هتوحشينى لغاية يوم الخميس
خجلت رنا وأطرقت برأسها وقالت بخفوت وانت كمان
ساره أصلك سرحانه ومش على بعضك وشكلك مفضوح وخدودك بتحكى الف حكايه
رنا بجد يا ساره يعنى ممكن يكون آبيه فهم
ساره فهم يابنتى دى حاجه طبيعيه بتحصل عادى يابنتى انتى مكتوب كتابك يعنى جوزك
رنا ايوه بس
ساره مابسش رامى فاهم وعارف ببساطه لأننا كمان زيكم
رنا بغمزه أيوه ياعم مانا خدت بالى لما دخلت الأوضه انها رده
شهقت رنا وقالت أيه انت وصلتوا للدرجه دى
ساره مجازا يا أمى ايه انتى أى حاجه تصدقى ېخرب بيتك المهم تعالى أحكيلى بالتفصيل عشان أديكى شوية نصايح عشان انتى خيبه خالص
ذهبت رنا مع ساره الى غرفتها ....
دنيا مساعدة حمزه وسكرتارته وساعده الايمن ويعتمد عليها حمزه فى كل شئ هى فى آواخر الثلاثينات من عمرها ولكن سنها لم يظهر عليها نظرا لاهتمامها الشديد بنفسها وهى زوجة عماد وهو من أعز أصدقاء حمزه تكن لحمزه مشاعر حب وصارحته بها رلكن قوبلت مشاعرها بالرفض الشديد وذلك لحبه لرنا وأيضا لانها زوجة صديقه أكتفت دنيا بوجودها بقرب حمزه حتى ولو بصفة مساعدته
دنيا بصوت مخڼوق أزيك ياحمزه
حمزه أنا بخير
دنيا خلاص
حمزه خلاص ايه
دنيا خلاص كتبت كتابك
حمزه متنهدا اه خلاص يا دنيا
دنيا أنت فين دلوقتى
حمزه ف الطريق فى الطريق راجع القاهره
دنيا طب ماتيجى عندنا
حمزه هو فين عماد
دنيا نزل راح يسهر
حمزه مانزلتيش معاه ليه
حمزه مانتى عارفه انى مش بشرب وعارفه كمان انى مش ممكن أجى البيت وعماد مش موجود
دنيا بسخريه انهارده مختلف .... انهارده فرحك ياعريس
حمزه دنيا انتى عايزه ايه عشان من اواضح انك شاربه ومش فى وعيك وانا سايق ومش فايقلك أحسنلك روحى نامى عندك شغل الصبح
دنيا وبتقولى عنى سكرانه بكره الجمعه يا حمزه مفيش شغل
حمزه برضو روحى نامى
دنيا حمزه انا....
حمزه تصبحى على خير يا دنيا
أغلق حمزه الخط قبل ان ترد عليه وبعدها بحث عن رقم حبيبته وهاتفها
رنا بخجل الو
حمزه يا إحلى ألو
رنا حمزه
حمزه ده سؤال
رنا لأ كنت عارفه انك انت
حمزه أمممم يعنى مش سؤال
رنا تؤ
حمزه بتعملى ايه
رنا مفيش ساره كانت معايه ولسه طالعه حالا وبعدها أخدت اللاب بتاع رامى وأعده ع النت
حمزه ع الفيس
رنا تؤ مش عندى فيس
حمزه أحسن بس انا عندى
رنا عارفه بخش على صفحتك من عند آبيه رامى
حمزه ياسلام وبتخشى ليه
رنا بخجل بتفرج على صورك
حمزه وعجبتك
رنا تؤ
حمزه كدابه انتى قلت لى انى انا حلو انهارده
رنا بجاملك
حمزه حبيبتى بقيت شقيه ومشاكسه
رنا بخجل وبصوت منخفض حبيبتك
حمزه حبيبتى وروح قلبى وعمرى كله
رنا.......
حمزه رحتى فين
رنا معاك
حمزه طب مش هتقول لى بتعملى ايه ع النت
رنا مفيش كنت بشوف النتيجه طلعت ولا لسه
حمزه نتيجتك انتى قلقانه ... هتنجحى ان شاء الله
رنا انا واثقه ان شاء الله انى هنجح بس الى قلقانه منه المجموع نفسى أجيب مجموع يدخلنى طب
حمزه طب
رنا اه طب عارفه ان المشوار طويل بس ماتقلقش انا هعرف أوفق بين الدراسه والجامعه وكمان انا....
قاطعها حمزه بجديه بس انتى يا رنا مش هتدخلى الجامعه
رنا ايه
حمزه الى سمعتيه مفيش دخول للجامعه
رنا أزاى ده حلمى طول عمرى
حمزه بيتنا وحياتنا مع بعض أهم بكتير
من حلمك
رنا حمزه انا مش هقصر من ناحيتك
حمزه عارف بس مفيش جامعه
رنا ده انا مۏته نفسى طول السنه مذاكره عشان أحقق الحلم ده وانت ف الآخر تيجى بكل بساطه تقولى مفيش جامعه
حمزه.......
رنا حمزه انا ممكن أدخل صيدله أخف شويه ف الدراسه أو حتى علوم
حمزه انا مش رافض الكليه يا رنا انا رافض فكرة الجامعه
رنا پبكاء طب ليه
حمزه عشان انا قلت كده واتعودى انى لما آقولك على حاجه تقولى حاضر
رنا من غير ما أفهم
حمزه لو فيه حاجه انا عايزك تفهميها أنا هفهمهالك
رنا طب فهمنى
حمزه من غير ما فهمك يمكن بعد كده هقولك أسبابى بس دلوقتى مش محتاج غير كلمة حاضر وبس
رنا.......
حمزه ماسمعتكيش يا رنا
رنا بخفوت حاضر تصبح على خير
حمزه وانتى من أهله ياحبيبتى
تبا لأ مرأه حولت نفسها لعروسه خشبيه فى
