روايه الملاك و القاسې الحلقه 26

الملاك والقاسې
الفصل ٢٦
عدى ٥ شهور
فرح بقت فى الشهر السابع وفارس بيهتم بيها واوقات كتير مابينزلش الشركه ويفضل معاهاا وده كان مفرحها جدا وفرحتهم زادت لما عرفت انها حامل فى تؤام ولد وبنت وفاطمه وفوز كانو معاها دايماا وبيهتمو بيهاا
ملك وسارة اتنين حوامل ملك ٣ شهور وسارة شهرين وزياد وعامر كانو فرحانين 

البنات كانو فرحانين انهم هيبقو ماميز وبقو يخططو سوا هيعملو ايه لما يولدو واولادهم تشرف
زياد بقي مدير الحسابات وفارس بيثق فيه جدااا والشباب بقو قريبين جدا من بعض وسوا على طول
زيزى وسيد ومروان اتحكم عليهم ٢٥ سنه سجن يعنى مؤبد وصلاح الصياد لما فاق من الغيبوبه وعرف ان ابنه هيتسجن مستحملش الخبر 
شيرى وسعاد حقدهم على فرح وفارس بيزيد وقررو انهم خلاص هينفذو خطتهم 
فارس كان بيراقب سعاد وكان مانع فرح تخرج من القصر لانه كان خاېف ان سعاد تاذيها 
اشرقت شمس يوم جديد فرح صحت على صوت فارس وهو بيجهز عشان ينزل الشركه
فرح صباح الخير ياحبيبي
فارس قرب منها وباسها من راسها وقعد جمبها على السرير صباح الجمال ياقلبي عامله ايه الوقت
فرح حطت راسها على كتف فارس الحمدلله بقيت احسن
فارس ولاد الايه اللى تعبينك دول بس لما يجولى
فرح ضحكت هما بيتعبونى الوقت ولما يجو بالسلامه هيتعبوك ويجننوك انت
فارس هما بس ينورو وانا اعملهم اللى هما عايزينه
فرح شكلك هتحبهم اكتر منى
فارس انا بحبهم عشان هما حته من قلبي
فرح ربنا يخليك لينا متاكده انك هتكون احلى واحن بابا فى الدنيا واعتقد يعنى مافيش اب قمر كدا
فارس ولا فى ماما فى جمالك ياقمرى
فرح مانا عارفه
فارس ياواد يامغرور انت
فرح ماتخليك معايا النهارده يافارس 
فارس عندى اجتماع مهم اوى انا والشباب هخلصه واجيلك يافروحه
فرح سكتت وفارس بصلها مالك يافرح
فرح قلبي وجعنى اوى حاسه ان فى حاجه هتحصل
فارس هيحصل كل خير ياحبيبتى حولى متشغلين عقلك الصغير ده وخليه ميفكرش كتير
فرح انا عقلى صغير يااستاذ فارس لو تحب افكرك انا اولى على دفعتى ٤ سنين 
فارس ضحك صح فكرتينى هتنزلى الامتحانات ولا مش هتقدرى
فرح لا هنزل ان شاءالله بس تعرف اللى مزعلنى انى هحضر حفله التخرج وانا زى الكورة كدا
فارس ضحك اوى عادى ماهى ملك وسارة بردو هيتخرجو وهما شبه الكور
فرح انت بتضحك ماشي يافارس
فارس لازم امشي بقي انا هخلص الاجتماع وهنروح موقع بناء والمكان ده مش فيه شبكه كويسه عشان لو لقيتى فونى غير متاح
فرح زياد هيكون معاك
فارس اكيد وعامر كمان
فرح ربنا معاكووو
فارس مشي وفرح كانت قلقانه ومش عارفه سبب الخۏف ده من ايه
فى اوضه شيرى كانت بتكلم سعاد
شيرى ايوا التنفيذ النهارده انتى عارفه هتعملى ايه كويس
سعاد اه مټخافيش كله حاجه جاهزة
شيرى سمعته بيقولها انه رايح موقع بناء بعيد